तीतुस 1
1
नमस्कार
1आ चिठ्ठी पौलुस री तरफ ऊं है, जिकौ परमेसर रा दास अर यीसु मसीह रौ प्रेरित है। परमेसर रै चुणयोड़ा लोगां रौ उणौरै विसवास में मदद करणै रै वास्तै अर म्हौरै भगती री सचाई रौ पूरौ ग्यांन री सिकसा दैणै खातर म्हनै भेज्यौ है। 2वो सचाई उण लोगां नै अनत जीवन री आसा दैवै है, जिणरी वायदो परमेसर नै, सनातन ऊं की है, जिकौ कदैई कूड़ौ नीं बोल सकै है। 3पण ठीक वगत माथै अपणै सुभ संदेस नै उण परचार रै दवारा परगट कियो, जिकौ म्हारै उद्धारकर्ता परमेसर री आग्या रै अनुसार म्हनै सूंपयौ गियौ।
4 #
2 कुरि 8:23; गला 2:3; 2 तीमु 4:10 तीतुस जिकौ विसवास री सहभागिता ऊं म्हारौ साचौ बेटौ है, उणरै वास्तै लिखूं हूं।
परमेसर पिता अर म्हारै उद्धारकर्ता मसीह यीसु री तरफ ऊं थनै अनुग्रह अर सानति मिळती रैवै।
क्रेते मांय तीतुस रा कांम
5म्हैं इण वास्तै थनै क्रेते में छोड़नै आयौ हो, की थूं बाकी रयोड़ी बातां नै सुधारै, अर म्हारी आग्या रै अनुसार गांव गांव मांय जांणकार मुखियौ नै लगावै, 6#1 तीमु 3:2–7जिकौ निरदोस अर एक इज लुगाई रौ धणी हो, जिणरा टाबर विसवासी हो, अर उणमे झगड़ालू अर आग्याओं नै नीं मानणैवाळा दोस नीं हो, 7क्यूंकै कलीसिया रै अगुवे नै परमेसर रौ भण्डारी होणै रै नाते निरदोस होणौ चाहीजै। नीं हठी, नीं क्रोधी, नीं पियकड़, नीं मारपीट करनैवाळौ, अर नीं रूपियौ रौ लोभी हो, 8पण मेमाणो रौ आदर करनैवाळौ, भलाई चावा वाळौ, खुद नै वस में राखण वाळौ, नेक, पवितर अर अनुसासित हो। 9अर वो विसवास लायक सिकसा ऊपर मजबुत रैवै, जिकौ सिद्धान्त रै अनुसार हो, अर खरी सिकसा ऊं उपदेस दे सकै, अर विरोधियो रौ मूंडौ भी बंद कर सकै।
10क्यूंकै घणाकर लोग आग्याओं नै नीं मानणैवाळा, बकवासी अर चालबाज है। खासकर यहूदी विसवासियो मांय ऊं। 11इणौरौ मूंडौ बंद करणौ चाहीजै। ऐ लोग नीच कमाई रै लियै गळत बातां सिखायनै घर रा घर बिगाड़ दैवै है। 12क्रेती लोगां मे ऊं एक जन नै, जिकौ उणौ रौ इज भविसयदाता है, कयौ है, “क्रेती लोग हमेसां झूठा, दुस्टी ढ़ौर, अर आळसी पेटु होवै है।” 13आ बात साची है, इण वास्तै उणौनै कड़ी चेताणी दिया कर की वे विसवास मांय पका हो जावै, 14अर यहूदियो री कथा कहाणियो अर उण मिनखौ री आग्याओं ऊपर मन नीं लगावै, जिकौ सचाई ऊं भटक जावै है। 15सुद्ध लोगां रै लियै सगळी चीजों सुद्ध है, पण असुद्ध अर अविसवासियो रै खातर कीं सुद्ध कोनीं, बल्कि उणौरी बुद्धि अर अंतो दोनूं असुद्ध है। 16वे कैवै है की म्हौ परमेसर नै जांणौ हो, पण आपरै कांमां रै खातर उणरौ इन्कार करै है, क्यूंकै वे लोगां री निजर में भूंडा अर आग्या नीं मानणै वाळा है, अर किणी चौखै कांम रै लायक कोनीं।
Zur Zeit ausgewählt:
तीतुस 1: RWR
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© NLCI CC BY-NC-ND 4.0