2 तीमुथियुस 4
4
1परमेसर अर मसीह यीसु रौ गवाई करनै, जिकौ जीवतौ अर मरयोड़ौ रौ न्याव करैला, अर उणरै परगट होणै अर राज री सुधि दिलायनै म्हैं थनै आदेस देवूं हूं, 2की थूं वचन रौ परचार कर, वगत अर बिना वगत तैयार रै, सगळी परकार री धीरज अर सिकसा रै साथै तसली दे अर डांट अर समझा। 3क्यूंकै ऐड़ौ वगत आवैला जद लोग खरा उपदेस नीं सहन सकै, पण वे आपरी भूंडी इछाओ रै अनुसार आपरै खातर घणा ही उपदेसक भेळा कर दैला, 4अर आपरा कांन सत्य ऊं फेरनै कथा-कहाणियों ऊपर लगावैला। 5पण थूं सगळी बातां मे सावचेत रै, दुख उठा, सुभ संदेस परचार रौ कांम कर, अर अपणी सेवा नै पूरी कर।
6म्हैं परभु री सेवा मे खुद नै बलिदान कियो जाय रियौ हूं। म्हारै मरण रौ वगत आ गियौ है। 7म्हैं चौखी कुसती लड़ चुकयौ हूं, म्हैं म्हारी दौड़ पूरी कर ली है, म्हैं विसवास री रूखाळी किनी है। 8भविसय में म्हारै खातर धरम रौ वो मुगट राख्योड़ौ है, जिणनै परभु, जिकौ धरमी अर न्यावी है, म्हनै उण दिन दैला, अर म्हनै इज कोनीं बल्कि उण सगळौ नै भी जिकौ उणरै परगट होणै नै चौखौ जांणै है।
9म्हारै खनै जल्दी आवण री कोसीस कर। 10#कुलु 4:14; फिले 1:24; 2 कुरि 8:23; गला 2:3; तीतु 1:4क्यूंकै देमास नै इण संसार रै परैम मे पड़नै म्हनै छोड़ दियौ है अर थिस्सलुनीके तरफ जातौ रियौ। क्रेसकेंस गलातिया नै अर तीतुस दलमतिया री तरफ जातौ रियौ। 11#कुलु 4:14; फिले 1:24; प्रेरि 12:12,25; 13:13; 15:37–39; कुलु 4:10; फिले 1:24कैवल लूका म्हारै साथै है। अर जद थूं आवैला मरकुस नै लेयनै आईजे। क्यूंकै सेवा रै खातर वो म्हारै घणौ कांम रौ है। 12#प्रेरि 20:4; इफि 6:21,22; कुलु 4:7,8तुखिकुस नै म्हैं इफिसुस नगर भेज्यौ है। 13#प्रेरि 20:6जो कुड़तौ म्हैं त्रोआस नगर मे करपुस रै उठै छोड़ आयौ हूं, जद थूं आवै तो उणनै अर किताबो खास करनै चरमपत्रो नै लेन आए।
14 #
1 तीमु 1:20;
रोमि 2:6
सिकन्दर ठठेरे नै म्हारै ऊं घणी बुराइयां की है। परभु उणनै उणरै कांमां रै वाजिब बदळौ दैला। 15थूं भी उण ऊं सावचेत रै, क्यूंकै उणै म्हौरी बातां रौ घणौ ही विरोध कियो।
16जद म्हारै पैलै मुकदमे रौ बचाव कचेड़ी मे करणै लागौ तो उण वगत किणी नै म्हारौ साथ कोनीं दियौ, बल्कि सगळौ म्हनै छोड़ दियौ हो। भलौ हो की इणरौ लेखौ दैणौ नीं पड़ै। 17पण परभु म्हारौ सहायक रियौ अर म्हनै सामरथ दी, ताकी म्हारै दवारा पूरा पूरा परचार होवै अर सगळा गैर यहूदी सुण ले। म्हैं मौत ऊं बचायो ग्यौ हूं। 18अर परभु म्हनै हरैक भूंडा कांम ऊं छुड़ावैला, अर आपरै सरगिए राज मे सावचेत पूगावैला। उणरी महिमा जुग जुग होती रैवै। आमीन।
आखरी अभिवादन
19 #
प्रेरि 18:2;
2 तीमु 1:16,17 प्रिस्का अर अक्किला रौ अर उनेसिफुरूस रै घराणै नै नमस्कार। 20#प्रेरि 19:22; रोमि 16:23; प्रेरि 20:4; 21:29इरास्तुस कुरिन्थुस नगर में रैय गियौ, अर त्रुफिमुस नै म्हैं मिलेतुस नगर में बिमार छोड़यौ है। 21सरदी ऊं पैला चालनै आवण री कोसीस कर। यूबूलुस, अर पूदेंस, अर लीनुस अर क्लौदिया, अर सगळै विसवासी भाइयो रौ थांनै नमस्कार।
22परभु थारै साथै रै। अर थां सगळौ माथै परमेसर री करपा होती रैवै।
Zur Zeit ausgewählt:
2 तीमुथियुस 4: RWR
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© NLCI CC BY-NC-ND 4.0
