التكوين 18
18
الضيوف الثلاثة
1وظهر ﷲ لإبراهيم وهو كان قاعد في بلوطات ممرا في عز الحرفي الظُهّر. 2قام طلعّ ورفع عيونه و شاف ثلاثة رجال واقفين قدام خيمته. و قام يسرع عشان يستقبلهم من مدخل خيمته وسجد على الأرض 3و قال: «یا ربي، إدا راضي عني عاد لا تعبر من عندي بدون ما تزورني. 4خلیني أجيب شویة ماي تغسلوا به رجولكم و تستریحوا تحت ظلّ هالشجرة، 5و أجيب ليكم لقمة تاكلوها و تسندوا بها نفسكم و بعدین كمّلوا طریقكم لأنكم مریتوا على بیت عبدكم.» و واحد من الرجال قال: «زین تسوي، مشكور ما قصرت.» 6و راح إبراهیم يركض إلى زوجتة سارة و قال لیها: «اسرعي و اعجني ثلاث قطع عجین من النوع الزین و اخبزیهم.» 7و راح إبراهیم يركض إلى مواشیه، واختار بقرة صغیرة متعافیه وعطاها واحد من خدمه یجهزها و یطبخها. 8و جاب شوية زبده و لبن و البقرة الا طبخها و حطها قدامهم. وهو ظلّ واقف قريب منهم عند الشجرة، یخدمهم و هم یاكلوا. 9بعدین سأله واحد من الرجال و قال: «وین سارة زوجتك؟» رد عليه إبراهيم: «هدیها داخل الخيمة.» 10و رد عليه: «تاكد إني برجَع لك السّنة الجايّة حوالى هالوقت، و سارة بتكون جابت لك ولد.» وكانت سارة تسمعهم من ورا الخيمة. 11و كانوا إبراهيم و سارة كبار مرّة في السن، عجّزوا، و سارة عدت سن اليأس. 12قامت تضحك بالسكتة وقالت: «الحين بعد إني بقدر أجيب ولد و رَجّلي تاج راسي عجوز و إني عدیت سن الیأس؟» 13و قال ﷲ الحَيّ لإبراهيم: «الاویه ضحكت سارة وقالت: الحین صحیح أجیب ولد و إني فهالعمر؟ 14چى في شي صعب على ﷲ؟ برجَع لك السّنة الجايّة في الوقت المُحدّد و سارة بتكون جابت الولد.» 15قامت سارة خافت وقالت: ما ضحكت. و قال ليها: «لا، الا ضحكتي.» 16و بعدین قاموا الرجال طلعوا و راحوا جهة سدوم. و إبراهيم مشى ويّاهم عشان یسلم علیهم. 17و قال له ﷲ: «چيفه اخبي عن إبراهیم الشي الا باسویه؟ 18إبراهیم بيصیر أمّة كبيرة و عظیمة و بسِبّته بتتبارك كل شعوب الأرض. 19أنا اخترته عشان یوصي نسله و أهل بیته من بعده إنهم یمشوا في طریق الرب، و یسوّوا الخیر و یحكموا بالعَدل، عشان یتمم ﷲ الوعد الا وعد به إبراهیم.» 20و قال الله: «لأن الشكاوي من مظالم سدوم و عمورة زادت و خطایاهم زادت. 21أنا نزلت علشان أشوف إدا اعمالهم تطابق الشكاوي الا جايتني علیهم. و إدا هالشكاوي الا جتني مو صحیحة، أنا أكيد بعرف.» 22و راحوا الرجالین من هناك إلى جهة سدوم. و لكن إبراهیم ظلّ واقف قدام ﷲ الحَيّ، 23و قرب من عنده و قال: الحین صحیح بتهلك الصالح ويّا الطالح؟ 24فلنفرض ان في خمسین واحد صالحین في هالمدینة بعد بتدمرها؟ و ما بتعفي عنها عشان خاطر الخمسین صالح إلا فیها اه؟ 25حاشاك یارب إنّك تسوي هالشي، إنّك تهلك الصالح ويّا الطالح، و تعامل الصالح زي الطالح. حاشاك یارب. یعني دیان هالأرض كلها ما بیحكم بالعَدل؟ هدا ما یصیر بعد! 26و قال له الله: «إدا في خمسین واحد صالح في سدوم بعفوا عن الكل عشان هالخمسین.» 27وبعدين إبراهيم قال: أنا أخدت راحتي ويّاك في الكلام یا ربي، مع إني ما اسوّى شي قدامك، أنا كلي تراب و رماد. 28و إدا نقصوا هالخمسین خمسة؟ بتقوم تهلك المدينة كلها عشان هالخمسة؟ جاوبه و قال: «عشان الخمسة والأربعين الصالحین ما بهلكها.» 29إبراهیم ظلّ یتكلم إیاه و سأله مره ثانیة: لو صاروا أربعين؟ و جاوبه: «ما بهلكها عشان الأربعين.» 30لا تعصب، أنا بظلّ مواصل في و قال له إبراهیم: أرجوك یاربي خليني أتكلم. لو نفرض صاروا بس ثلاثین؟ وﷲ قال: «ما بهلكها لو في بس ثلاثین!» 31و قال له إبراهیم: أنا ماخد راحتي في الكلام ويّاك یاربي. لو في بس عشرین؟ وﷲ قال: «ما بهلكهم عشان هالعشرین.» 32و قال له إبراهیم: ارجوك لا تعصب یا ربي، بنطق و بسألك، آخر مرّة. انزین، لو في بس عشرة؟ وﷲ قال: «ما بهلكها عشان هالعشرة.» 33یوم خلص ﷲ كلامه ويّا إبراهیم راح، و إبراهیم راح بیتهم.
Zur Zeit ausgewählt:
التكوين 18: QNAV
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Qatifi New Arabic Version © 2024 Strategic Resource Group
