Jakari 1
1
Kunɨn deg kɨ tɔrrɨn ndid
1Bal kɨ ngekõjoo lo Darius kɨ nah kɨjijoo, ta lo Bɨraɓe ɗe ro Jakari ngon Berekia, ngon Ido ngekelta kɨta Luwaht, an:
2Wong ɗa Bɨraɓe ngãi do bɔwsɨgt. 3Kɨtɔ 'nten i eld an: Titbe kel Bɨraɓe Ngekoosɨg i telɨn kɨromt, kel Bɨraɓe Ngekoosɨg na m'a m'tel kɨrosɨt ho, kel Bɨraɓe Ngekoosɨg. 4Ot kad ĩn tit bɔwsɨg Ĩgɨn ngekelta kɨta Luwaht kɨmaɗi kõ kɨdɔdt anan: Titbe kel Bɨraɓe Ngekoosɨg i telɨn, i nyan go ɗobg losɨ kɨmajal kɨ kɨlaɗasɨ kɨmajal. Na oon dɔ al, nelɨn mbid kɨromt al tɔ, kel Bɨraɓe. 5Bɔwsɨg ĩn ɗah a? Ngekelta kɨta Luwaht ndɨn kɨ dɔd dõ mbãkɨnõt a? 6Na tag lom kɨ mberkɨndag lom ĩgɨn m'nda mbera ɓerg lom ngekelta kɨtamt ye, hɔn bɔwsɨg kɨ ta ale? Telɨn, elɨn anan: Bɨraɓe Ngekoosɨg ɗa sej tit'n ɔj kɨ n'ɗan kɨta ɗobg loj kɨ kɨlaɗaji.
Ngekalsɨndag dan kag myrrtgt
7Ɓal kɨ ngekõjoo lo Darius kɨ nah kɨkɨlah gidaikɨɗa kɨ ndo kɨdɔjoo gidaisɔɔ lo nah'n non in i nah Sebat ye. Ta lo Bɨraɓe ɗe ro Jakari ngon Berekia, ngon Ido an:
8M'oo nya kam kondɔt na oo de mad al dɔ sɨnda ndàit kɨ ɗà dõ ku kag myrrtgt kam kut na ko gidat sɨnda ndaig kɨ sɨnda mɔsɨg kɨ sɨndag kɨndà. 9Kamla m'el m'an: Ah Bɨraɓe lom sɨndag'n ɗan ĩn ɗi a? Na malaika'n hã elɨm ta ye an: M'a m'ɔji takĩd kad i ger. 10De'n ɗa ku kag myrrtg turɨm an: Ĩgɨn ɗan la Bɨraɓe lad kad lan go dɔning. 11Na turɨn malaika lo Bɨraɓe'n ɗa ku kag myrrtgt anan: Jĩ kɨ lago dɔning na oo, dɔning kɨtaagbe to lom, to taa koo. 12Kamla malaika lo Bɨraɓe turta, el an: Bɨraɓe Ngekoosɨg, mbã ndɔ bãi ta a i ɔj kamkẽ loi Jerusalem kɨ ɓebog kɨ Juda al a? Ĩgɨn i ɗa sed wong asɨ ɓal dɔtanãimɨta. 13Bɨraɓe turtag kɨmaj kɨ kɨsɔlkam ad malaika'n elɨm ta.
14Kamla malaika'n el sem ta ye, an: I ko an: Titbe kel Bɨraɓe Ngekoosɨg: Jang ɗam ngãibe dɔ Jerusalemt kɨ Siõ 15na mĩ kɨ wong kɨ tɔlsɔkɨr dɔ girrdegt'n ɗan ĩgɨn ndɨn lom kɨta lon m'ɗa wong sĩbe a ne, deg'n ɗa ɗan nya ad darondo aw kɨ ketekete. 16Kɨtɔ 'nten, mĩ Bɨraɓe Ngekoosɨg m'el m'an:
M'a m'tel m'aw Jerusalem gog
Kad m'ɔj kõkam,
a ɗan kuj ndub tɔm gog,
na a ɔjɨn kɨla mbɔj lo dɔi Jerusalemt.
17I ko ɓaitɔ an: Titbe kel Bɨraɓe Ngekoosɨg;
Ɓebog lom a ɗoosɨn kɨ nyamajg kɨngãi,
Bɨraɓe a tel sɔl kam Siõ gog na a mbed Jerusalem ɓaitɔ.
Zur Zeit ausgewählt:
Jakari 1: MlL
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Mbai Bible Revision © Bible Society of Chad, 2015.
