तीतस 2
2
ख्रीष्टियन व्यवहार
1तर टुँ सत्य शिक्षासे मिल्ना बात केल सिखाओ। 2उमेर ढल्कल मनैन आत्मसंयमी, आदर पैना हिसाबक, अपन्हेह अधीनम ढर्ना हुइपर्ठा कैक सिखाओ। ठीक शिक्षा विश्वास करपर्ठा, पवित्र प्रेम करपर्ठा, ओ सहनशील हुइपर्ठा कैक हुँकन कहो।
3ओसहँक, उमेर ढल्कल महिलन परमेश्वरह आदर देना हिसाबक जीवन जिएपर्ठा। हुँक्र बिना पट्टक औरजहन दोष लगाइ नैपरट्, जाँरडारुम लत बैठाइ नैपरट्, तर औरजहन असल बात सिखाइपर्ठा कैक अर्ती देओ। 4तब हुँक्र उमेर नैढल्कल महिलन आपन-आपन गोस्सेन ओ छाई-छावन प्रेम कर्ना, 5आत्मसंयमी ओ पवित्र मनक हुइना, घरजम कर्ना, दयालु हुइना, ओ आपन-आपन गोस्सेक अधीनम रना बातक सल्लाह देह सेकहीँ। ओसिक कर्लसे, परमेश्वरक वचनक बदनाम नैहुइनेहो।
6ओसहेँक, जवान मनैन आत्मसंयमी हुइक लाग अर्ती देओ। 7सब बातम असल कामक उदाहरण होक हुँकन देखाओ, ओ हुँकन सिखाइबेर स्वाझ ओ गम्भीर होओ। 8कुई फे काट नैसेक्ना सत्य वचन बोलो, तब हमार बारेम कुछु खराब बात नैपैहीँ कलसे हमार विरोधीहुँक्र शर्मम परहीँ।
9कमाराहुँक्र फे आपन-आपन मालिकक् अधीनम रह्क सब कामम हुँकन जो खुशी बनैहीँ। हुँक्र मालिकसे मुहमुह नैलगहीँ, 10ओ हुँकन्हक कुछु चिज फे सट्याकसुटुक नैपरहीँ। बेनसे हुँक्र अप्न पूरा रूपले असल ओ भरपर्ना रहल बात देखैहीँ। तब हुँक्र हरेक बातम हमन मुक्ति देहुइया परमेश्वरक बारेम सिखाइल बातक शोभा बह्राइ सेकहीँ।
11काकरकि सारा मनैन मुक्ति देहक लाग परमेश्वरक अनुग्रह प्रकट होरहल। 12यी अनुग्रहक कारण हम्र असिन बात सिख्ठी, कि परमेश्वरक आदर नैहुइना काम ओ संसारक चिजिक लालच त्याग करपर्ना, आत्मसंयमी ओ निर्दोष हुइपर्ना, ओ परमेश्वरक आदर हुइना हिसाबले यी संसारम जीवन जिएपर्ना। 13याकर सँगसँग, हम्र आशा कैक हमन खुशी बनैना दिनिक बट्या हेर्ठी, जौन दिन हमार महान परमेश्वर ओ हमन मुक्ति देहुइया येशू ख्रीष्ट आपन महिमम प्रकट हुउइया बाट। 14ख्रीष्ट हमन सारा पापमसे मुक्ति देहक लाग ओ सारा खराबीमसे पवित्र बनाइक लाग आपन प्राण देलह। उहाँ चहल, कि हम्र असल कामम उत्सुक ओ उहाँक आपनऽ मनै हुइसेकी।#भज १३०:८; प्रस १९:५; व्य ४:२०; ७:६; १४:२; १ पत्र २:९
15यिह बात विश्वासीन सिखाओ, ओ हौसला देना ओ हप्कैना काम पूरा अधिकारसहित करो। टुँहीन हेप्ना मौका किहुह फे जिन देओ।
Zur Zeit ausgewählt:
तीतस 2: thl
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© 2020, Wycliffe Bible Translators, Inc. All rights reserved.
