MEEKYENA 1
1
Yeekyenwa lya Mbee lya Vana va Israeli
1Nndumi Iruva karera na Mose alya Sinai, yoo yeemeny lya ikwaanu, kwikee nkonu wa mbee wa mwiiri wa kavii, mwaaka wa kavii vammbuka Misri, kammbia, 2Songosieny yeekyena lya ironda lyoose lya vana va Israeli, musaiye poo tawo na mmba tawo, shaasa yeekyena lyawo lyikai, wo nndu nndumi umwi umwi; 3wo nndu atiri myaaka makumi avii na mmwasi woose yewo vashidimaa yeenda fireny ya Israeli, yewe na Aron muveekyeni efo matoritony awo. 4Na nndu umwi umwi wa wo ufyari, neende neeni, yeto akee nsongoru wa mmba ya ufyari. 5Na marina a womi yewo vashemwekyaa nng'u yaa, va Ruben; Eliusuri mwana wa Shedoori, 6Va Simion, Shelumieli mwana wa Suri-shadai. 7Va Yuda, ni Nashon mwana wa Aminadabu, 8Va Iskari, ni Netanieli mwana wa Swari. 9Va Sabulon ni Eliabu mwana wa Heloni. 10Uka efo kwa vana va Yosefu, na Efraimu, ni Elishama mwana wa Amihudi, na wa Manase, Gamalieli mwana wa Pedasuri. 11Wa Benyaminy, ni Abidani mwana wa Gidion. 12Va Dani ni Ahieseri mwana wa Amishadai, 13Va Aseri, ni Pagieli mwana wa Okirani. 14Va Gadi ni Eliasafu mwana wa Deueli. 15Va Naftali ni Ahira mwana wa Enani. 16Yewo mmbo valevaangyo shila, mmbo vasongoru va ngyufyari ta vandeye vawo na vaniini va fiku yefyo fya vana va Israeli. 17Naasa Mose na Aron vakaipoo womi yewo valesendwa marina awo; 18nawo vakasanyirya ironda lyoose, kwikee nkonu wa mbee wa mwiiri va kavii, nawo vakoora ngyufyari ta vandu vawo va mmba tawo, kweesorya mmba ta vandeye vawo, shaasa marina akai, kupookya myaaka makumi avii na mmwasi, wo umwi. 19Shaasa Nndumi Iruva alevavasya Mose, niindo alevaekena kulya urukeny lwa Sinai. 20Vandu vetiri myaaka makumi avii enda na mbee valya veshidimaa yeenda fireny, mmbo valeekyenwa na ireiywa wo umwi na ufyari lwake na mmba yakwe, kupookya vandu va Ruben we mwana mmbe wa Yakobo,
Yeekyena lya Masanga
21Vandu va mmba ya Ruben ni fiku makuni aana na firindaru na makumi araanu.
22Vandu va mmba ya Simon, 23ni fiku makumi araanu na kyeenda na mayana araru.
24Vandu mmba ya Gadi, 25ni fiku makumi aana na varaanu, mayana arindaru na makumi araanu.
26Vandu va mmba ya Yuda, 27ni fiku makumi mfungare na fiina na mayana arindaru.
28Vandu va mmba ya Isikari, 29ni fiku makumi araanu na fiina na mayana aana.
30Vandu va mmba ya Sablon, 31ni fiku makumi araanu na mfungare na mayana aana.
32Vandu va mmba ya Yosefu 33ni fiku makumi aana na mayana araanu.
34Vandu va mmba ya Manase 35ni fiku makumi araru na fivii na mayana avii.
36Vandu va mmba ya Benyaminy 37ni fiku makumi araru na firaanu na mayana aana.
38Vandu va mmba ya Dani 39ni fiku makumi arindaru na fivii na mayana mmfungare.
40Vandu va mmba ya Aseri, 41ni fiku makumi aana na kimwi na mayana araanu.
42Vandu va mmba ya Naftali 43ni fiku makumi araanu na firaru na mayana aana.
44Woose valeekyenwa 45ni vandu fiku mayana arindaru na firaru mayana araanu na makumi araanu. 46Yeekyena lyawo woose llyekee ni fiku mayana arindaru na f firaru, mayana araanu na makumi araanu.
47Lyo vandu va mmba ya Levi mmbaleekyenwa amwi na vengyi-fo. 48Mashika Nndumi Iruva evvya Mose, 49Kyeeri kushekyena vandu yewo vavaa yeenda fireny, lyo va vana va VaIsraeli ufyari lwa Levi kulalwekeni-fo. 50Lyo vika vandu va Levi vasalallye ando eele, amwi na fiiya fya vayo fyoose na uwe ya findo fyoose. Wo mmbashipoo yeema elyo mmbo varunndyaa-u neekalya fiiya fyoose. Vereiye meema awo aringitye ando yoo kweele. 51Kyeeri mushiipo kyaaro, mmbo, musholotaa na ireiya Yeema muveni. 52Na vana va Israeli vareiye meema awo, wo nndu kwakwe muni, wo nndu na bendera yakwe shaasa matorito awo akai. 53Indi Valevi mmbareiya meema aringitye ando eele, vaaringe, naambo nndu nalasheserikya kufii natevete shirrwaaywa ni unyafi shikape Israeli. 54Niindo vana va Israeli valetana, shaasa Nndumi Iruva alevavasya Mose.
Zur Zeit ausgewählt:
MEEKYENA 1: MAS2
Markierung
Teilen
Vergleichen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
The Holy Bible in Kimashami © Bible Society of Tanzania, 2016.