E’doza 50
50
1 #
E’do 46:4; 2 Opi 13:14 Yusufu nga i ’be i ati ma avu dria, wuzu drinia ’mindresi, nga eri ma o’bolo ndru. 2#2 Sur 16:14; Mat 26:12; Mar 14:8; 16:1; Luk 24:1; Yoh 19:39, 40Yusufu nga e’yo azi ati’ba erini ’ba ojouru ’diyi ma tia kini yi ma ede eri ma ati ma avu arosi kazu mazu ku. ’Dini ’ba ojouru ’diyi nga di Israeli ma avu eli arosi ra; 3#Kal 20:29; Azi 34:8’ye e’yo nderi o’du kali su, a’disiku a vu efizu arosiri adri o’du nya ’dipi. ’Ba Misirini ’diyi nga eri wu o’du kali aziri.
4 #
Esi 4:2
O’du eri wuzu ’diyi ka yi de ra, Yusufu nga ’yo ’ba Farau ma joa ’diyi ma tia kini, Ma ka asi ndriza isu emi vu ’bo, ma zi emi tia, emi ’yo e’yo Farau ma bilia kini, 5#2 Sur 16:14; Isa 22:16; Mat 27:60Ma ati, fe ndra mani oyo sozu kini, Mi ndre, ma nga dra ra; mi ma sa avu mani ’bile mani gale ma dri angu Kananiariuri ma alia. E’yo ’disi ma zi mi tia, mi fe ma tu mu uru ma ati ma avu sazu; te ma nga emvi dika, 6Farau nga ’yo ra, Mi tu uru, mi ati ma avu sazu yi ekile erini fele mi dri oyo sozurile. 7Yusufu nga di tu uru i ati ma avu sazu; ati’ba dria Farauni ’diyi pi nga mueri be tualu, ’ba ’wara eri ma joa ’diyi pie, ’ba ’wara dria angu Misiria ’diyi pie, 8’ba dria Yusufu ma joa ’diyi pie, adripi erini pie, ’ba eri ma ati ma joa ’diyi pie dria; kule vile angu Gosenia ’diyi yi kiri anzi nyirini a’dule, anyapa yini nyiri ’diyi pi ’wara ’diyi be. 9’Ba nzupi magalisi ’diyi pi, ’ba tupi akanya dria ’diyi be, nga tu mu eri be indi; yi ’ba ongulumuru karakarau ’tu. 10#’Yeta 8:2; 1 Sam 31:13; Yob 2:13Yi nga ca akuma anya cozu Atadini Yoridania ’aa’dasiria, yi nga, awu owu ’dale wuta amboru candi be turisi; eri nga i atini owu o’du aziri. 11’Ba angu e’ipi ’ba Kanania ’diyi ka wuta akuma Atadiniari ndre ra, yi nga ’yo ra, ’Di ’ba Misiria ’diyi ma awu candiru turi’i; nga di angu nde ma ru ’da Abeli-miziraimu’i; angu nderi Yoridania ’aa’dasi. 12Anzi erini ’ye eri vu ekile erini azile yi tiarile; 13#E’do 23:16; ’Yeta 7:16a’disiku anzi erini, nga eri ma avu ’du ji angu Kanania, nga eri sa oni gule amvu Makipelaa, ndra Iburahimuni jele awitaru amvu be tualu pari ’ba avu sazuriru Efironi ’ba Hetini dri Mamire ma driliaria. 14Yusufu nga di mvi Misiria, ka de i ati ma avu sazu ’bo, eri’i, adripi erini pie, ’ba dria tupi mupi eri be eri ma ati ma avu sazu ’diyi be.
Drata Yusufuni
15 #
Yob 15:21
Yusufu ma adripi ka ndre yi ma ati dra ’bo, yi ’yo ra, Kani Yusufuni nga ama ngu onzi, nga e’yo onzi dria ndra amani ’yele i vu ma arioti dria ofe ama ruaa yani, 16Yi nga e’yo ti pe Yusufu vu ani kini, Mi ati azi e’yo de nga eri drani ku, kini, 17#O’be 28:13; E’do 49:25Emi ma ’yo Yusufu ma tia ’dini, kini, Ma zi mi tia, mi ma wu mi adripi ma e’yo onzi pi ezata yini be, yini ’yele onzi mi vurisi. Te di curu’do, ama zi mi tia, mi wu Mungu mi atiniri ma ati’ba ma ezata fo! Yusufu nga wu mindresi, yini e’yo ’diri ’yoria eri tia. 18#E’do 37:7, 10Eri ma adripi nga vini mu yi eco va eri ma milia, yi nga ’yo ra, mi ndre, ama ati’ba mini, 19#Azi 32:35; Rum 12:19; Ebra 10:30Yusufu nga ’yo yi tia, Emi ru ku; ma Munguni ya? 20#Zab 56:5; Isa 10:7; E’do 45:5, 7; ’Yeta 3:13-15Te emi’iruni, emi ega ndra ma ’yezu onzi; te Mungu ega e’yo ’yezu onyiru, e’yoni ecazu ekile andrurile, ’ba kakau ta mbazu idriru. 21#E’do 47:12; Mat 5:44Te di curu’do emi ru ku; ma nga nyaka fe emi dri, anzi emini nyiri ’diyi be. Eri nga ani yi ma asi omi, nga e’yo ’yo yi be asi ndrizasi.
22Yusufu ri Misiria, eri’i ’ba i ati ma joa ’diyi be dria; Yusufu ma eli ca ndra turu alu drini mudri. 23#Yob 42:16; E’do 30:3Yusufu nga Efiraimu ma anzi ndre cazu kpere a’bianzi na; osi vini Makiri Manase mvi ma anzi Yusufu ma li dria, 24#Efu 8:16, 17; Ebra 11:22; E’do 26:3Yusufu nga ’yo i adripi ma tia, Ma ’ye dra dra; te Munguni nga emi andri ada ada, nga emi ofu angu ’dori ma aliasi, emi ofizu angu andra erini oyo sozu fezu Iburahimu pi dri, Isaka pie, Yakobo pieria. 25#E’do 47:29; Efu 13:19; Yos 24:32Yusufu nga fe Israeli anzipini ma so oyo ci, kini, Munguni nga emi andri ada ada, emi nga fala mani o’du ’doarisi ji ’dale ra. 26’Dini Yusufu nga dra ra, de eri eli be turu alu drini mudri; yi nga eri ma avu efi arosi, nga eri ’ba sanduku ’ba,avu sazuri ma alia Misiria.
Zur Zeit ausgewählt:
E’doza 50: LB66
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Bible in Lugbara © United Bible Societies, 1966.
