E’doza 49

Yakoboni e’yo ondrizu anzipi ma e’yosiri

1 # Azi 4:30; 33:1; Amo 3:7; Kal 24:14 Yakobo nga i anzipi omve, nga ’yo ra, Emi oku emi tualu, ma ma olu emi tia e’yo ngapi i ’yepi emi vu ewu vileria ’diyi ani.

2 # Zab 34:11 Emi Yakobo anzipi la, emi oku emi e’yo erizu,

emi eri emi ati Israeli ma e’yo ra.

3 # Azi 21:17 Rubeni la, mi mva mani kayuri,

okpo mani, azini mvi oko mani ma okpo e’dozuri;

mi aga ’ba azini ’diyi inzitasi tu, okposi indi ra ’bo,

4 # Azi 27:20; 1 Sur 5:1 mi adrini pa so pari alua ku,

mi adri mbu yile, mi ngani aga onyisi ku,

mini ndra tule mi ati ma gbolo!

driarisi; etu ’dasi mi eza eri ra; eri tu gbolo mani dria!

5 # O’be 18:9; E’do 34:25 Simeoni pi Levi be yi adripiru;

sei yini yi afa ’ba ’yezu okposi ’diyi,

6 # O’be 1:15; Zab 26:9 Orindi mani la, mi emu pari yini e’yo amazuri ma alia ku;

mi diza mani la, mi eci mi ti yi be okuza yini ma alia ku;

a’disiku yini ndra ’ba ofule aoko yinisirisi,

eganja yinisi yi oli ti ma isu paari ra.

7 # Yos 21:1; 1 Sur 4:24 Adra yini ma ovu trizaru, erini ovule okporurisi;

aoko yini ma ovu trizaru indi, erini ovule yoo kokorurisi!

Ma nga yi awa Yakobo ma alia, ma nga yi ere Israeli ma alia.

8Yuda la, mi adripi nga mi inzi ra;

dri mini nga ovu ari’ba mini ma ombelea;

mi ati ma anzipi yi nga avu va mi drilia.

9 # Kal 24:9 Yudani kamimvani;

mi enga anyapa dileri ma driarisi ’bo,

ma mvi la! Eri avu va, eri la i va kamile, azini kamiandrile;

a’dini nga fe erini engazuni ya?

10 # Kal 24:17; Zab 60:7; 1 Sur 5:2; Isa 11:1; Eze 21:27; Dan 9:25; Mat 21:9; Luk 1:32; Isa 2:2; 11:10; 60:1-5; Hag 2:7; Luk 2:30; 2 Opi 18:32 Kali opiniri ngani fu Yuda vusi ku, kali ’ba dri cepiriniri ngani fu eri ma palaarisi ku,

de nga opi kali nde ma e’iruri ecani ku;

suru yi nga e’yo erini ru ra,

11Eri’i akanyamva ini zabibu pati ma ruaa,

eri ’i akanyamva ini zabibu pati onyiru turi ma ruaa;

eri oji i ma bongo zabibuefi ma susi,

eri oji afa suza erini zabibuefi ma arisi;

12eri ma mileni nga ovu ekaru zabibuefi ma susi,

eri ma sini nga ovu emveru lesusi.

13 # Azi 33:18 Zebulunini nga ri miri ma kutia;

eri nga ovu kuti oguruni pa sozuriru;

eri ma lokirini nga ovu Zidoni ma tia.

14Isakarini akanya okporuni, eri i la va lico kabiloni ma eselia;

15eri neire pari ava lizuri eri onyiru, anguni indi ayikoru;

eri elu i gbudri teri ’duzu, eri ofu ati’boru ayua ’yezu.

16 # Lip 13:2; 15:20 Danini nga ’ba ini ma e’yo li ekile suru alu Israeli ma eseliarile.

17 # Lip 18:27 Danini nga ovu uri gbokoariru,

uriohulu geria, akanya ma paedu gapiriru, ’dini ’ba nzupi akanya ma

18 # Zab 25:3, 5; 62:5; Isa 25:9; 40:31; Rum 2:7; 1 Kor 1:7; Fil 3:20; Tit 2:13 driari nga e’de juluru va.

Ma te pata mini ’bo, Yehova la,

19 # Azi 33:20 ’Ba ongulumuru afa opapi ’diyi nga Gadini omi ci ci,

te eri nga vini yi ma paedu omi ci.

20Aseri ma nyakani nga ovu osoru,

eri tibi onyiru dri fupi opiniruri fe ra,

21Nafutalini eba ’bani trule rari’i,

eri e’yo ’yoza onyiru ’diyi fe.

22Yusufuni eri arakala efi kapi turi,

eri arakala efi kapi tu yi a’di ma tiarile;

arakala erini nyiri ’diyi ra abi ma driasi.

23 # E’do 37:24 ’Ba osu be ’diyi ecandi eri tu, yi ca eri ra, inza eri tu;

24 # Yob 29:20; Zab 132:2, 5; 80:1; Isa 28:16 te osu eriniri pa so okporu ’dani, wuni pi drini be isu okpo

Mungu Okporu Yakoboniri ma drisi

(eri ma alia ’Ba kabilo Ocepi, Israeli ma Oniruri),

25 # Azi 33:13 ada, Mungu mi atiniri ma drisi, eri’i ngapi mi aza kopiri,

Mungu okpoe’ini ma drisi, ngapi mi dri asi ndriza fepiri’i,

asi ndriza ’bu ururiari pisi,

asi ndriza miri aliru i ajapi valeruriari pie,

asi ndriza ba pini opojo beri pie dria.

26Asi ndriza mi atini ’diyi aga asi ndriza ma a’bipi drio ’diyini ra,

kpere cazu oni amboru ’dani ’dani ’diyi ma kalati asizuria;

asi ndriza ’diyi nga ovu Yusufu ma driani,

yi nga ovu agu esele cole i adripi be nduri ma dri’u’bia.

27 # Lip 20:21, 25; Kal 23:24; Esi 8:11; Eze 39:10; Zek 14:1, 7 Benyamini eri ’balau afa ocepi kpi kpirile;

o’bitisi eri nga za erini cileri nya teketeke ra,

ondresi eri nga afa erini opale ’diyi awa ra.

Drata Yakoboni eri sazuri beri

28’Diyi dria suru Israelini mudri drini iri ’diyi; ’diyi e’yo yi ma atini ’yole yi ma tia, erini asi ndriza feria yi dririari; eri fe asi ndriza yi dri alu alu asi ndriza yini vusi. 29#E’do 15:15; 25:8; 2 Sam 19:37; E’do 47:30; 50:13Eri azi e’yo yi tia, nga ’yo yi ma tia kini, Ma nga mu ’ba mani drapi ’bo ’diyi vu; emi ma sa ma ma a’bipi be oni gule amvu Efironi ’ba Hitiniri ma aliaria, 30#E’do 23:16oni gule nde amvu Makipelani ovupi Mamire drilia angu Kananiaria, Iburahimuni ndra jele amvu Efironi ’ba Hitini be tualu ovuzu awita erini ’ba avu sazuriruri’i. 31#E’do 23:19; 25:9; 35:29Osa ndra Iburahimu pi ma avu oku erini Sara be ’daa; osa ndra vini Isaka pi ma avu oku erini Rebeka be ’daa indi; ma sa ndra Leani ’daa 32amvu nde oni gule ovupi aleniari be ndra jele anzi Hetini driri. 33Yakobo ka de i anzipi azizu ’bo, eri nga i pa ’du tra ’ba gbolo dria, orindini nga fu ra, mu di ’ba erini drapi ’bo ’diyi vu.

Zur Zeit ausgewählt:

E’doza 49: LB66

Markierung

Kopieren

Vergleichen