Beliebte Verse in Ba-Roma 12

Teilen

Alimwi mutakozyanizigwi aziyanza zyaciindi ecino, pele amusanduke kukucitululwa kwamyoyo yanu, kuti mukasimpikile makani ngaayanda Leza, makani mabotu aatambulika aalondokede.

Nkaambo kaako, bakwesu, ndamukumbila kuti kuluzyalo lwa-Leza mutuule mibili yanu, ibe cipaizyo euumi, cisalala, ciyandisi kuli-Leza, mbubonya bukombe bwanu bwakumoyo.

Amube abulangizi cakukondwa, alimwi amukakatile nikuba kuciindi camapenzi, akujatisya kukomba.

Utazundwi kububi pe, uzunde bubi kukucita bubotu.

Amuyandane aluyandisyo lwabunyina. Amusungwaale kukulemekana.

Luyandisyo lwanu lutabi lwakuupaupa ameso. Amusesemwe kububi, mukakatile kububotu.

Anooli kwakonzeka, nkukuti mbuli mbumukonzya nubeni, amukalane abantu boonse caluumuno.

Mutaliyi inkoto, nubayandisi, pele amulekele bukali bwa-Leza busena, nkaambo kulilembedwe kuti, Lubeteko ndulwangu, mebo njoobweedezya, mbwaamba Jehova.

Mutabi batolo kubusungu, pele myoyo yanu ipye kukumanina Mwami milimo.

Ikuti kuluzyalo ndundapegwa, ndaambila boonse buyo bali kulindinywe, kuti muntu ataliyeeyi cakulisumpula kwiinda mbukweelede, pele aliyeeye cakuumuna, mbubonya mbuli mweelwe walusyomo ngwaabilwa muntu umwi aumwi kwa-Leza

Mutabeenzyi bubi bamweenzya bubi. Amulabilile ziimbo zibotu mumeso aabantu boonse

Amukalane amoyo womwe. Mutabi amiyeeyo yakulisumpula, pele amube beenzinyina babombede myoyo. Mutaliyeeyi nubeni kuti tuli basongo.

Nkaambo kaako, anooli sinkondonyoko wafwa inzala, umusanine; afwa nyota, umunywisye; ikuti kukucita boobo ulalundika makala aamulilo amutwe wakwe.

Amubalongezye abo bamupenzya, ee, amubalongezye, mutatuki pe, Amusekelezyanye abo basekelela, akulilana abo balila.

Amwaabile basalali bacete, alimwi amusamausye beenzu.

Nkaambo mbuli mbutujisi zizo zinji mumubili omwe, alimwi zizo zyoonse tazijisi mulimo omwe, mbubonya obo swebo, notuli banji, tuli mubili omwe muli-Kristo, toonse tuli zizonyina umwi aumwi mukwesu.