Beliebte Verse in Hebrayo 11

Teilen

Eno lusyomo ndotupimine kuti luyootujanya ceeco ncotulangila, tulazumina kuzintu nzyotutana kubona. Mulusyomo olu basikale mobakajanina impuwo imbotu.

Pele kuti kakwiina lusyomo tacikonzeki kukonda Leza, nkaambo woonse muntu uuswena kulinguwe uleelede kuzumina kuti Leza mpali akuti nguupa cilumbo kulibaabo bamuyandaula.

Alimwi kulusyomo lwesu tulimvwide kuti inyika yakalengwa kujwi lya-Leza, aboobo zintu zibonwa zyakalengwa kuzintu zitaboneka ameso.

Kukusyoma Abrahamu wakamvwisya kwiitwa kwakwe kwakuti apole, ainke kucisi ncayoopegwa mbuli lukono, Ncobeni wakapola mucisi cabanamuzyaabo, uwatakali kuzi ankwaakali kuya, nkabela kukusyoma wakasika akuyookala-kala mucisi icakasyomezegwa mbuli citali cisi cakwe, bakali kukala mumatente, antoomwe a-Izaka a-Jakobo basikusyomezegwanyina

Alimwi Nowa, naakacenjezegwa a-Leza kumakani aazintu izyatalina kubonwa, lusyomo ndolwakamugulunganya kubeza bwaato bwakufutusizya bana bakwe, aboobo wakiisampaula inyika, nkabela wakaba sikujana bululami obo buzwa kulusyomo

Awalo Enoki ndusyomo ndwaakatolelwa kujulu, kuti atakaboni lufu, nkabela taakwe naakajanwa, nkaambo Leza wakalimutolede. Eno naatakalina kutolwa wakalungululwa kuti wakali kukonda Leza.

Lusyomo ndolwakatuuzya Abelo cituuzyo ciinda ca-Kaini, Mulincico mwaakalungulwidwa kuti uliluzi (mbwaakalungulula Leza kukutambula cituuzyo cakwe), aboobo nekuba kuti wakafwa, ucaamba asunu.

Kukusyoma awalo Sara wakajana inguzu zyakuzyala mwana mubucembele bwakwe, nkaambo wakamuzumina kuti ulasyomeka oyo uwakamusyomezya.

nkaambo wakali kucilindila munzi mupati uujisi intalisyo injumu, uuyakwa akucitwa a-Leza

Alimwi Musa, naakakomena, lusyomo ndwaakakakila kwaambwa kuti mwana wamwana wa-Farao. Walmsala kupenzegwa antoomwe abantu ba-Leza kwiinda kubotelwa misalo iimana buyo. Nkaambo wakeezeezya kuti kusampuka kwakusampaulilwa Kristo mbobuvubi bwiinda lubono loonse lwamu-Egepita, nkaambo wakali kucilangila bulumbu ibwakacili kuza. Eno kukusyoma wakapola mu-Egepita, taakwe naakayoowa bukali bwamwami wamumo, nkaambo wakalibilamine mbuli sikubona yooyo uutabonwa

Kukusyoma Abrahamu naakasunkwa wakatuula Izaka. Ncobeni oyo uwakapegwa cisyomezyo wakaindilila akupaizya mwanaakwe uwakali alike mwida lyabanyina

Alimwi kukusyoma Rahabu, uwakali mwaamu, taakwe naakafwida antoomwe abaabo abakali basigama, nkaambo wakatambula baabo basikutwela akubakazika kabotu muŋanda yakwe.

Kukusyoma bakazubuka Lwizi Lusalala, bakazubuka anga baya bweenda iitakwe maanzi, pele balo ba-Egepita nobakasola kucita mbubo bakainkila boonse, bakaloba.

Lusyomo ndolwakadilisya munzi wa-Jeriko, nowakamana kuzingulukwa kumazuba aali musanu mwaabili.

Alimwi kukusyoma wakaanza Pasika akusansaila bulowa, kuti sikujaya bana bataanzi kuzyalwa atazoojayilizya bana baba-Israyeli.

Kulusyomo awalo Josefa, necakaba afwaafwi ciindi cakufwa kwakwe, wakaamba kuti caakuba ciindi bana ba-Israyeli bayoopolela ku-Egepita, nkabela wakalailila azifuwa zyakwe.

Kulusyomo Jakobo, naakali kuyeeya kufwa, wakalongezya bana boonse bobile ba-Josefa, eno wakalisiminina amusako wakwe akulumba Leza.

Alimwi kulusyomo Izaka wakabalongezya ba-Jakobo a-Esau kumakani aaciindi icakacili kuza.