Beliebte Verse in Hebrayo 12

Teilen

Eno buya swebo mbotuzingulikidwe makamu makamu aya aabakamboni­, atuzisowe zyoonse zitucelezya azibi zyoonse zitulamatila, tugame kusiana nkotwabikilwa kunembo. Katuduneme kuli-Jesu musolozi uulomya lusyomo lwesu, ikuti walo, nkaambo kalukondo ndwaakabikilwa kunembo, wakazyandamana kuciingano, wakaubaula buusu, eno sunu ulikede kululyo lwacuuno ca-Leza.

Eno kuciindi ncocuumwa-umwa tacitangazyi pe, cilausya, pele munsi, kukomwa oko kulatujanya micelo yakulikalila kabotu akululama.

Amutobele luumuno lwakulikalila abeenzinyoko boonse, abusalali, ubunga muntu atakujana bulamukasya kuyoobona Mwami.

Kamwiilizya nguwe uwakazyandamana mukukazyanya kuli bobuya kwabantu abamubisizya, kuti mutabombibombi nokuba kulengaala mumyoyo yanu.

Eno buya mbotwatambula Bwami butazungaaniziki, katulumba akumanina Leza milimo mibotu yakumubotezya, cakulemeka acakuyoowa

Eno nkaambo kakwiisya myoyo ncomukomenwa boobo. Leza ulamucita mbuli bana bakwe, nkaambo ino mwananzi walo oyo uutakwe nakomwa kuliwisi?

nkaambo Leza wesu oyu ncobeni mulilo uunga wakuteuta waida syukutu.

Nkaambo abo bakali kutukoma kukuyanda kwabo kwamazuba mace buyo, anu walo utukomena kuti tululame, tukaabilwe busalali bwakwe.

Anu tamuna kulwana kukutikaisya bulowa, mucigamine kulwana azibi.