Beliebte Verse in Zla d’a d’ogolâ 2

Teilen

Kayam ni Ma didina ba, nga mi he ned’a; wed’a ki zla d’a irata a buzugï navunam mi.

Gorona, le ang ve zla manda, le ang ngom vun man ma hed’a kurungû, le ang tin humang á hum ned’a, le ang tin hurung yam zla d’a irata, gagazi, le ang nga yi wad’ud’a, le ang nga de ki deleng akulo á hal zla d’a irata, le ang nga halat d’igi suma a hal beged’a na, le ang nga halat fufut d’igi suma a hal ndjondjoîd’a na ni, ata yi máma ang mba we á le mandara Ma didina, ang mba fe lovota á wAlona mi.

Nga mi ngom ndjunda yam suma d’ingêrâ, mam mi mbareid’a hi suma iratnid’a á ngom lovota hi suma iratnid’a, á ngom tita hi mam suma d’engzengîd’a.

Kayam ni suma d’ingêrâ ba, a mba kak yam ambasa, ni suma iratna ba, a mba ar kaka kad’u. Wani suma asa’atna, a mba dabazi woi yam ambasa; suma a nga d’engzeng nguo na, a mba yozi woi kat mi.

Ned’a mba d’i prud’ung ngei abo atcha d’a gaulangâ, abo atcha d’a ding nga vunat mbulâ d’a ti ar ndjuvut ma d’umba woi d’a mar yam vun ma djin ma ti djinim avok Alonina woid’a.