Beliebte Verse in Zla d’a d’ogolâ 3

Teilen

Ang he tang mi Ma didina ki hurung pet, ang deng tang yam ne manga go d’i. Ang wum mbei tetet kur sun mang nga led’a pet, ni mam ba, mba mi blazang lovot manga kä mi.

Ar ang gol tang ala angî sama ned’a d’i, ang le mandara Ma didina, ang wal tang ngei ki tchod’a mi.

Ang he ngola mi Ma didina ki bege manga kahle mang suma a ne avo’â ki suma a vut avo’â pet mi. Hina wani, avurei mangâ a mba oî kawuna, agolongeî mangâ a mba oî ki süm guguzlu d’a awilid’a, mba d’i sulul kä woi mbumbû mi.

Ar ang wal lei ki djivid’a ki gagazid’a d’i. Ang djinizi kelengû, ang b’irizi kä kurung mi.

Gorona, ang gol gat ta Ma didina nga mi gad’anga is si, ang gol ngop pa nga mi ngobonga ni vama tcho d’uo mi. Kayam Ma didina nga mi ngop sama mam le kama d’igi sana nga mi ngop gorom ma hurum vum heîna na mi.

Gorona, ang mar yam hat manda d’i, ang ngom vun man ma hed’a kurungû. Kayam azi mba ing burung fiyaka, ang mba le bizad’a ablaud’a yam andagad’a ki b’leng nga halasa.

Sama mi fe ned’ina mi le furîd’a, sama mi mbut ma wad’ud’ina mi le furîd’a mi. Kayam mbiyo ma ang fum kur ned’ina, mi kal ma ang fum kur beged’ina, fe mat ta peta kal lora mi. Guzut kal ahina d’a guzut kal teglesa; aduk ahle suma ang hurung minizina pet ma d’igi ndat na na nga d’i.

Ata yima ang ndak á le vama djivina mi suma a ndak á lazizina, ang ar bei lazizi d’i.

Ni ki ned’a ba, Ma didina mi le kandagad’a; ni ki wad’ud’a ba, mi sira kakulod’a mi.