Beliebte Verse in Zla d’a d’ogolâ 1

Teilen

Le mandara Ma didina nad’u tinda hi wad’ud’id’a. Suma lilid’a a nga gol ned’a ki hata is. Gorona, ang hum hat ta abung nga mi had’angzid’a, ang noî gat ta asung nga d’i gad’anga woi d’uo mi.

Kayam vita hi suma bei wäd’u zlad’a ba na nga d’i tchaziya, bei djib’era hi suma lilid’id’a nga d’i bazi woi mi. Wani sama nga mi humuna mba mi kak ki halasa avo hatamu, mba mi kak tchugot bei mi le mandara va ba mi.

Ar sama wed’a mi hum d’ogol máma kayam we mamba ti i avogovogo, ar sama wad’ud’a mi hum d’ogol máma á we lovot ta tit ta irata mi.

Gorona, le suma le tchod’a a nga lobong vunangû ni, ang i ad’uzi d’i.

Wana ni D’ogolâ hi Salomon David goroma amul ma Israel-lîna. D’ogol máma nga mi tak sana ned’a ki hata á wäd’u zlad’a woi djivid’a. Mi nga mi had’am á kak ki wad’ud’a, á kak sama d’ingêrâ, ma irat ma ndak memetna mi. Mi nga mi tak lovota mi sama bei wed’a á kak ki wed’a, á tak gor azongâ wed’a ki djib’er ra irata mi.

Ata yi máma agi mba yanu, wani an mba mi humugi d’i; agi mba halanu, wani agi mba fan nduo mi. Agi noyôgi á wad’ud’a, agi managi nga á le mandara Ma didina d’i