Beliebte Verse in LUUKAS 9

Teilen

Baꞌ jaꞌxpɨx muiꞌ jaꞌtkam jup ba tu ja aꞌgiꞌñ, jup ja tɨtda: ―Noꞌ jaroiꞌx aaꞌ na gammɨjɨ bañ kaichgɨdaꞌ, jum aaꞌ na cham tuꞌ bhaan kap jum buixiꞌñdhaꞌ gu tuꞌ na yaꞌ dhi oiꞌñgaꞌn jix chu jaiꞌch, sia chi moo jax jum tulhiiñaim, na guꞌ dhiꞌ baꞌ jaꞌp ji buusandaꞌ nañ oiꞌñchuꞌndaꞌ ji mootot gu kuruus.

Na guꞌ gu jaroiꞌ noꞌ dai bhaan tɨtɨɨꞌñcho gu tuꞌ na yaꞌ dhi oiꞌñgaꞌn jix chu jaiꞌch, cham jɨꞌxkat palhbuidhaꞌ na jax jaꞌk jix bhaiꞌ tu jimiaꞌ gatuuk. Guꞌ ji noꞌ guꞌ cham tuꞌp jim buixdhat miꞌ puiꞌ xi chu duñiim nañ jax jix aaꞌ, jix bhaiꞌ ji na tu jimiaꞌ.

Baꞌ gu Jesuus jup tɨtda: ―¿Aap paa duuk nɨiꞌñ gu maaꞌnkam guiꞌ na tu juantuꞌndaꞌ jaraar taꞌm na kuuꞌ jaꞌk tɨ nɨidhim? Puꞌñi dhop ji buusan gu jaroiꞌ noꞌ dai bhaan tɨtɨɨꞌñcho gu tuꞌ na gatuuk dɨr biꞌiidhaꞌ, pu cham tuꞌ baꞌ bhaaiꞌn kaꞌ na jax dhui miꞌ puiꞌ jimiaꞌ na jax jix aaꞌ guñ Gɨꞌkoraꞌ.

¿Gio guꞌ tuꞌp jix bhaiꞌ sia ku tɨi jaroiꞌ bɨɨx tu biaꞌ na jɨꞌk tuꞌx chu jaiꞌch yaꞌ dhi oiꞌñgaꞌn bhaan, noꞌ guꞌ jaꞌxpɨx ba mukiaꞌ? Ni ku ji palhbuidhai na jax jaꞌk jix bhaiꞌ tu jimiaꞌ buiñor gu Dios.

Gio gu jaroiꞌ noꞌx xiꞌɨr nañ aꞌmkam tu ja aꞌgidhaꞌ gu jaꞌtkam, aañ puiꞌp jix xiꞌɨrai cham tuꞌp jiñ buixdhaꞌ buiñor janoꞌ nañ paiꞌ dhuuk gio bhaiꞌp jimdaꞌ gɇꞌkam kɨꞌn ja bɨɨm gu noonbiꞌñ guñ Gɨꞌkoraꞌ, janoꞌ nam paiꞌ dhuuk bɨɨx machiaꞌ gu jaꞌtkam nañ jax jir gɇꞌkam.

Baꞌ gu Jesuus jup tɨtda: ―Jax dhui na aañ nañ bhaankam ya oirɨ gu Dios, pu cham paiꞌ bhaaiꞌ nañ joidham xiñ jɨɨpdhaꞌ gɨt, cham puiꞌ na gu kaxio na sɨlh jimiaꞌ mu paiꞌ na chioꞌ na ba kooxmɨraꞌ paiꞌ na duuk jix kooxim kaꞌ, piam puiꞌ na gu uꞌiiꞌ na sɨlh jimiaꞌ paiꞌ na tu kos kaꞌ na paiꞌ dhuuk jup jix kooxim kaꞌ.

jup ja tɨtda: ―Noꞌ jaroiꞌ maadɨt aapiꞌm jiñ buix biiñak kat jix bhaiꞌ ba duu maaꞌn gu alhii jaꞌp na dhiꞌñi, dhiꞌ aañ nax bhaiꞌñ dhuñiaꞌ. Guꞌ baꞌ gu jaroiꞌ na aañ jix bhaiꞌñ dhuñiaꞌ, guñ Gɨꞌkoraꞌ nax bhaiꞌ duñiaꞌ ɨp nat bhañ joot jix dhaam dɨr. Baꞌ dhiꞌ jaꞌpniñ kaiꞌñkam jup jam tɨtda na gu jaroiꞌ noꞌx aaꞌ nar gɇꞌkam kaꞌ ja bui gu jaiꞌ, jum aaꞌ na cham tuꞌ tuꞌ jim ɨlhdhat jix bhaiꞌ ja buadaꞌ gu jaiꞌ, dhiꞌ baꞌ puiꞌ bam kaiꞌch nar gɇꞌkam.