Beliebte Verse in Naṉ. 32

Teilen

Takui̱ áishmaṉ chicharuk “Yamaikia ámeka Jakupka áchattame, antsu Israer náartin átatme. Warí Yusja̱i̱ tura áentsja̱i̱sha mánaikiam awakmakume” tímiayi.

Nuyá̱ Jakupan chicharuk “Tsawa̱a̱wai, iniaitiusta” tímiayi. Tútaisha Jakup nú aishmaṉkan aya̱k “Péṉker pujutnum yumiṉkrachkumni̱ṉkia peṉké akupkashtatjame” tímiayi.

Tura Jakupka nui̱ niṉki juákmiayi. Nui̱ áishmaṉja̱i̱ maa mániakua tsawai̱miayi.

Kame Jakup enentáimias winia jí̱ruja̱i̱ṉ Yusan wáinkiachjak túmaitkiuncha tuke iwiaaktsujak tú enentáimias nú nuṉkaṉka Piniir anaikiamiayi.

Kame nui̱ maanai pujus nú aishmaṉ Jakupan awakkachmin nekapeak mámiṉkiunam awati múunmamtikiamiayi.

Tutai nú aishmaṉsha Jakupan chicharuk “¿Amesha yáitiam?” tutai “Wikia Jakupaitjiai” tú ái̱kmiayi.

Tura Jakupsha aya̱k “¿Náarmesha yait?” tutai “¿Urukamtai Winia naarsha nekaatniusha wakeram?” tímiayi. Nuya̱ṉka Jakupan péṉker pujutnum yumiṉkramiayi.

Ame péṉkerumji̱a̱i̱ tura ame waitnenkartutairmiji̱a̱i̱ túraitmena nu, wi yajauch ai̱ṉ Amek túrame. Wikia Jurtan entsan warirnaksha júutsuk antsu aya wái̱rnak ushukruman katiṉmiajai tura yamaikia untsurí aentsun jimiará akankámun takakjai.

Kame Jakup kájke̱nam awatmia asamtai yamaiya̱ ju̱i̱sha Israer shuarka mámiṉkiuri̱n ya̱a̱p nétakna núnaka yucha áiniawai.

Tura Jakup Yusan áujuk “Uunt Yusá, winia apachru Aprajáman tura aparu Isaka Yusri̱ya, Ámechuk chichartakum ‘Ame nuṉkemíin tura ame shuarumiin waketkitia. Túrawakminkia Wi péṉker átinian yáiṉtatjame’ turutchamkum.

Tuma asamtai winia Yusru, wait aneasam winia yatsur Esauya̱ uwemtikrurta. Aneachma winiaksha nua̱rnaksha uchirnaksha yajauch awajtúrsara̱i̱ṉ tusan ashamajai.