Beliebte Verse in संत.जोहन 15

Teilen

ईङ अंगुर दुबा हेके, आउर आपे लरंग हेके, जे ईङ रे बनाल ताहिनोआय, आउर ईङ जे रे ताहिनुईंग होना ढेर जोयोआ, एतान लःअय ची ईङ लोः आलगे केते, आपे एतान होः ए-एतान एरपे दड़ीआ।

आपे ईङ रे बनाल ताहिनपे आउर ईङ आपे रे, जे लकान लरंग जदि अंगुर दुबा रे का बनाल ताहिनोआ, दो अपन-हारते एरे जोयोआ, हिना लकान जदि आपे होः ईङ रे बनाल एरपे ताहिनोआ रेदो एरपे जो-दड़ीआ।

जदि आपे ईङ रे बनाल ताहिनोआपे, आउर ईङ आला बचन आपे रे बनाल ताहिनोअ रेदो, जे चाही कोयपे आउर होना आपे लःअय हुयाव कोआ।

आपे ईङ के कापे निबाड़ तदिङा, बकिर ईङ आपे के नोःआँ लःअय निबाड़ ताडपेईङ आउर दोहो ताडपेईङ, ची आपे सेन केते ढेर जोअ आगुयपे, आउर आपे आला जोअ बनाल ताहिनोअ, ची आपे ईङ आला नुमू रे बाबा तरअः जहान होः कोयापे, होना बाबा आपे के हिना एमा केपेआय।

नोःआँ तरअः बड़े पेरेम ओके आला होः कनोआँ, ची जाहें अपन गाती लःअय अपन जीव एमा गुल ताय।

जे लरंग ईङ रे एदनाआ आउर का जोयोआ, होना के हुनी मागेआय, आउर जे जोयोआ होना के हुनी बगरा जोयोअ लःअय कलामेआय जेकर से आउर जोयोअ।

“ईङ आला हुकूम नोःआँ हेके ची, जे लकान ईङ आपे के दुलार लेपेईंग, हिना लकान आपे होः दुलार उपड़ीङोःपे।

बाबातिङ आला महिमा आपे ढेर जोअ आगुयपे, निआँ रे हुयाव कोआ, तब आपे ईङ आलकु चेला पाड़ी कोआपे।

“सचे अंगुर लरंग दुबा ईङ हेके, आउर बाबातिङ किसान हेके।

जदि जाहें ईङ रे बनाल काय ताहीनोआँ दो, होना के रोहोड़ लरंग लकान गिड़ी-गुल तअकु। आउर रोहोड़ जुनोआ हिमीन रे होड़कु नोकान लरंग के जवारेआकु आउर सेंगेल रे लो गुलताअकु।

नोःआँ बात आपे के नोःआँ लःअय कंहड़ी लाईङ, ची ईङ आला खुसी आपे रे बनाल ताहिनोअ, आउर आपे आला खुसी पुराव जुनोः।

जदि आपे ईङ आला हुकूम के मनाआपे दो, ईङ आला दुलार रे बनाल ताहिकोआपे, जे लकान ची ईङ अपन आपा आला हुकूम के मनाव निनिंग, आउर हुनी आला दुलार रे बनाल ताही नुईंग।

नोःआँ बात रेनअः हुकूम ईङ आपे के नोःआँ लःअय एमाअ दिपीईङ, ची आपे हुनी-नुई कु तरअः दुलार दोहोयपे।

जदि आपे दुनिया रेनपे ताहिकोआपे रेदो, दुनिया आपे के अपन समझाव केते दुलार ताकेपेआकु, बकिर आपे दुनिया रेनपे नलागे एता लःअय ची ईङ आपे के दुनिया तरअः निबाड़ तदपेईङ। हिना लःअय दुनिया आपे लोः बैरेआकु।