Beliebte Verse in Roma 11

Teilen

Sababu mo-moini toma diwanga re dungia ma dara, Ma Jou'ongu Madutu ra sidadi. Mo-moini gena-ge ma 'asala ra Ma Jou'ongu Madutu tala re di'a Unanga ḏi'i. Dadi, ino ngene wo puji re silamo'o Ma Jou'ongu Madutu, nena re si'a kasingado-ngadolo i'a. 'Amin.

Ma Jou'ongu Madutu 'ai mura re dadalara ma pari cua toma ngowa'a mo-moini. Unanga gena-ge 'Ai 'akala ma soro'unu re 'Ai wo-waro ma pari cua ḏi'i. 'A guna ua nga'unu 'a sahe Unanga 'ai maksudu! 'A guna ua nga'unu 'a sahe Unanga 'ai ngo'omo!

Toma Boku 'Ofi-'Ofi 'i silefo so'o ne: “ 'A guna ua nga'unu 'o sahe 'Ai fikirana! 'A guna ua nga'unu 'o pula'a duga re domolo ra Unanga.”

So'o gena ḏi'i, 'orasa nange-ne kalaha repe ua, 'age rema ngowa-ngowa'a Yahudi ga'a Ma Jou'ongu Madutu ya'u cumutu ḏua mete'e Unanga 'ai mura re dadalara. Dadi Unanga ro cumutu ananga gena-ge mete'e 'Ai mura re dadalara, re mete'e ua ananga manga ga'a. Sababu na'o Unanga 'o cumutu mete'e manusia manga ga'a, ngo'omo gena-ge 'i mete'e 'Ai mura re dadalara riwara.

Sidogo ḏi'i, Israel manga ete re dotumu ma ju'uda mamuni'a gena-ge, ma tero sa'olo ate zaitun ma umanga ga'a ngowa'a ya tola'a. Re ngini ngowa'a Yahudi ua ma tero sa'olo zaitun ma ja-jaga ga'a 'i konyo toma bangana. Re jaga-jaga ma la'o gena-ge 'i sipata toma ate zaitun ma lese di'a singali umanga ga'a ri sitola'a. Ḏua jaga 'i sanga oromo toma ate zaitun ma utu'u nange-ge. So'o gena ḏi'i ngini ngowa'a Yahudi sanga barakati ga'a Ma Jou'ongu Madutu 'o sijaji toma ngowa'a Yahudi manga ju'uda. Sababu gena-ge, awa ngini ni matoro re ni sipa-pake ua ngowa'a Yahudi ga'a Ma Jou'ongu Madutu ya'u itomo, ananga gena-ge ga'a ma tero sa'olo ate ma umanga ga'a ngowa'a ya tola'a. Ngini balasu ni 'eli-'elingi ne: Ngini ḏi'i pa'i ma tero sa'olo ate ma umanga ḇato. Re Ate ma umanga sanga ngo-ngoromo toma ate ma utu'u, ate ma utu'u sanga ngo-ngoromo ua toma ate ma utu'u!