Beliebte Verse in Roma 10

Teilen

Na'o ngini ni kanau raninga madanga mangale “Yesus, Unanga gena-ge Ma Jou,” re taninga 'akala re sinyingara ma dara ngini ni ngaku mangale Ma Jou'ongu Madutu 'o dadunu si'ahu moju Yesus tai sengene, ngini ḏuanga i'a sanga salamata.

Sababu reninga 'akala re sinyingara ngini ni ngaku Yesus, dadi Ma Jou'ongu Madutu 'o dawongo ngini gena-ge sa'olo ngowa'a loasa re banari. Re ngini ni kanau reninga madanga, mangale Yesus Unanga gena-ge Ma Jou, dadi ngini sanga salamata.

Sababu gena-ge ngowa'a pa'i nyengara 'aḏi ngaku ḇato Kristus, na'o 'aḏi 'isene 'Ai habari. Re habari gena-ge ananga pa'i nyengara ya 'isene ḇato, na'o ngowa'a ya'u singadolo habari mangale Kristus.

Toma Boku 'Ofi-'Ofi ma dara 'i silefo so'o ne: “Ngowa'a mo-moini ga'a manga ngo-ngaku ra Unanga, ananga manga 'akala re sinyingara 'i rapo'o ua.” Sababu ma'u rapu ua, bae ngowa'a Yahudi bae ngowa'a Yahudi ua: 'Age pa'i Ma Jou matengo ḇato di'a ngowa'a mo-moini. Unanga 'o sibarakati pai-pai'i ngowa'a mo-moini ga'a maḏigaro'o ra Unanga. Sababu, “Ngowa'a mo-moini ga'a maḏigaro'o ra Ma Jou, ananga gena-ge ḏuanga i'a 'aḏi sanga salamata.”

Re ma ngo'omo sa'olo ananga nyengara singadolo mangale Ma Jou, na'o ngowa'a sanga 'utusu nyangu? Toma Boku 'Ofi-'Ofi ma dara 'i silefo so'o ne: “Ma rousu mura ua rema ngowa'a ga'a sapolo sigasa Habari Roanga ra Ma Jou'ongu Madutu tala!”

Mada'a ma ngo'omo sa'olo ngowa'a 'aḏi maḏigaro'o na'o ananga 'aḏi ngaku nyangu ra Ma Jou?! Re ma ngo'omo sa'olo ngowa'a 'aḏi ngaku Ma Jou, na'o ananga 'aḏi 'isene mangale Unanga nyangu?! So'o gena ḏi'i ma ngo'omo sa'olo ananga nyengara 'aḏi 'isene mangale Ma Jou, na'o ngowa'a tagi nyangu di'a singadolo mangale Unanga?!

Mada'a sababu Kristus, ngowa'a 'aḏi paralu mete'e Musa 'ai hukumu riwara, la 'aḏi dadi ngowa'a loasa re banari. Siḏibo ḏi'i, ngowa'a mo-moini ga'a manga ngo-ngaku ra Kristus, nyengara 'aḏi dadi ngowa'a loasa re banari ra Ma Jou'ongu Madutu 'ai momina, gena-ge Ma Jou'ongu Madutu 'ai ngo'omo.