Beliebte Verse in Rí wasngájma 3

Teilen

Atadxawíín, ikhúúnꞌ wáju̱nlo̱ꞌ ná xkrugua jamí na̱tha̱n-ráꞌalo̱ꞌ. Xí mbáa nadxawuun a̱ꞌwóꞌ jamí narmáꞌthoo̱ xkrugua, a̱ꞌkhue̱n rí ma̱to̱ꞌo̱ꞌ jamí ma̱kuéꞌtsó-añuꞌlo̱ꞌ ga̱jma̱á nindxu̱u̱.

Ikhúúnꞌ na̱ne̱-núwíinlo̱ꞌ ñajun rí nathane̱, jamí nda̱yo̱o̱lo̱ꞌ rí na̱nguá mika a̱kia̱anꞌ xtayoꞌ ni máꞌ na̱nguá nguíꞌtsín ne̱. I̱tha̱án máꞌ máján xí numuu rí mika a̱kia̱anꞌ o mbáko máꞌ xí nguíꞌtsín ne̱ mbo̱ꞌ. I̱ndo̱ó máꞌ numuu rí na̱nguá mika ni máꞌ na̱nguá nguíꞌtsín a̱kia̱anꞌ xtayoꞌ, rí wáa jayu mika ne̱, ikhaa numuu rúꞌkhue̱n ma̱xe̱ꞌ-ri̱ñáaꞌlo̱ꞌ ná rawunꞌ.

»Ikhúúnꞌ na̱xprígúún jamí na̱ríñúú mbá xúgíin tsí nandoꞌ ja̱ñu̱ú. Ikhaa jngó, mbá jañii a̱kia̱anꞌ gátha̱ne̱ ñajun rí nathane̱ jamí ga̱thanga̱a a̱kia̱anꞌ.

Ikhúúnꞌ na̱ne̱-núwíinlo̱ꞌ ñajun rí nathane̱. Ikhaa jngó, athayáá rí ná inaaꞌ a̱ꞌkhue̱n ni̱ni̱ꞌñúu ja̱ma̱ꞌtha mbá xkrugua rí nimbáa ma̱xáꞌngo̱o̱ gárugua̱a. Nda̱yo̱o̱ máꞌ rí maske máꞌ na̱nguá mba̱a̱ tsiakhe̱ xtaꞌdáá, nathane̱-mbáníí rí na̱tha̱a̱nꞌ jamí nirathán ná inúú xa̱bo̱ rí xa̱bi̱ꞌ ñajwaanꞌ.

»Tsí ma̱ꞌngo̱o̱, ma̱xnu̱u̱lo̱ꞌ rí ma̱gi̱ꞌi̱i̱ maꞌthán-ñájwii̱n ga̱jma̱á nindxu̱ꞌ, xómá rí ikhúúnꞌ ni̱ꞌngo̱ꞌlo̱ꞌ jamí niꞌgúnꞌ rí ma̱tha̱n-ñájunlo̱ꞌ ga̱jma̱á nindxu̱u̱ Tátéꞌ.

Ikháánꞌ narathán: “Ikhúúnꞌ ñajunꞌ xa̱bo̱ tsí phú gíꞌdoo, mbá xúgíí gúꞌdo̱ꞌlo̱ꞌ jamí nda̱a̱ rí iꞌyóꞌlo̱ꞌ”. Tsíthayáá rí na̱nguá xtaa gagi, rí mingínááꞌ, rí nda̱a̱ rí xtaꞌdáá, rí tsífriga̱a̱ꞌ jamí tsaꞌtsáán nda̱a̱ xtíñaaꞌ.

»Ga̱jma̱á numuu rí ikháánꞌ nithane̱-mbáníí ajngóꞌ rí ni̱tha̱a̱nꞌ, rí ma̱riajún gúkuáaꞌ, ikhaa jngó ikhúúnꞌ mangúúnꞌ ma̱ña̱wa̱a̱nꞌ ído̱ ma̱ga̱nú mbiꞌi rí ma̱ꞌkha̱ jamínu̱ꞌ inúú mbá xúgíin xa̱bo̱ numbaa. Jamínu̱ꞌ rúꞌkhue̱n masngájmii tsí gakon rí nanimbu̱únꞌ juyeꞌ.

Ma̱ꞌkha máꞌ wapha, ikhaa jngó na̱tha̱a̱nꞌ rí a̱ra̱tuun xa̱ꞌ rí xtaꞌdáá máꞌ. A̱ꞌkhue̱n rí nimbáa ma̱xárígú-jáꞌyáaꞌ rí jaꞌyoo ma̱tri̱gú numuu rí ni̱ꞌnga̱a̱ꞌ.

Araxu̱unꞌ jamí araxná-mina̱aꞌ tsiakhe̱ rí ma̱tha̱ne̱-májáan wáa ñajun rí inu máꞌ xtaa rí ma̱ta̱tsi̱ꞌñáá-rathane̱, numuu nda̱yo̱o̱ rí na̱nguá xóó káxe̱ ñajun rí nathane̱ ná inuu Ana̱ꞌlóꞌ.