Beliebte Verse in Varoma 12

Teilen

Zve, musateveja zvo iyi nyika, asi mwechitsandujwa ngo kumusihwa kwo mupinimijo wenyu, kuti mueje kuyita icho chiri kuda kwa Mwari, chiri chakanaka, no chinoashirika, no chakaperera.

Ndizvo ndinomupota, hama, ngo nyasha ja Mwari, kuti mupire muviri yenyu kuti iite mudiro unopona, wakachena unoashirika kuna Mwari, uri mushando wenyu wo kudira unoshwiro.

Itanyi vanodakara mukugonda; musengerere mu matambujiko; mwechivangirira mukukumbira

Musanyiswa ngo kushata, asi nyisanyi kushata ngo kunaka.

Disananyi umwe kuno umweni ngo rudo rukuru; mureremejane umwe kuno umweni

Rudo ngaruite rusina kujiitisa. Nyenyanyi izvo zvakashata; namatiranyi kuno izvo zvakanaka.

Kudari kungaitika, zvomunokona, garanyi mukunyarara no vandhu vese.

Musajihwirijira pachenyu, vanodikana, asi taraukiranyi ushungu hwa Mwari; ngokuti kwakatahwa kuti: Kuhwirijira kuri kwangu; inini ndinozohwirijira, unonanga Jehovha.

mukushanda musaita nungo: Itanyi vanopisa muMweya; mwechishandira Mambo.

Ngokuti ndinonanga ngo nyasha jakapuwa kwendiri, kuno mundhu wese uri pakati penyu, kuti asajikuja ngo kupinimija kupinda ukwo kunosisira; asi kuti ajipinimijire ngo kungwara, kudari ngo zvaakapa Mwari kuno mundhu wese chipimo cho kutenda.

Musahwirijira ku mundhu kushata, ngo ndava yo kuitihwa zvakashata. Pshakanyi izvo zvinoreremejeka mukuvona kwo vandhu vese.

Muve no mupinimijo umwewo umwe kuno umweni. Musapshaka zvino mbirikira, asi mwechifambisana pamwepo no vakapfava; musajiita vakangwara mu mipinimijo yenyu.

Asi kudari mukorore wako unonjara, mupeyi zvokuha; kudari uno nyota, mupeyi zvokumwa; ngokuti ngokuyita kudaro unozounganija masimbe anopisa o muriro panyezuru po musoro wake.

Vadakajisenyi vanomutambuja; vadakajisenyi, musavatuka. Dakaranyi navo vanodakara; mwechichema naavo vanochema.

koveranyi no vakacheneswa zvovanotama; itanyi vanoashira vapfumba.

Ngokuti kudari ngo zvotinajo ndhengo jakawanda jo muviri umwe, ndhengo jese ajina mushando umwewo akadi. Ngokudaro isisu tiri vazhinji tiri muviri umwe kuna Kristu, umwe ngaumwe tiri ndhengo imwe kuno umweni.