Beliebte Verse in ДжакӀуэ 7

Teilen

УхуэмыпӀащӀэ угубжьыну – губжьым тӀысыпӀэ ищӀыр делэм игуращ.

МахуэфӀыр къихьакъэ, дэтхъэ, гуауэр къыщыплъэӀэсам дежи зыщумыгъэгъупщэ: иужькӀэ къэхъунур цӀыхум зэхимыщӀыкӀын щхьэкӀэщ мори мыри Абы къыщӀигъэщӀар.

И ублапӀэм нэхърэ сыт хуэдэ Ӏуэхуми и кӀэухыр нэхъыфӀщ, пагагъэм нэхърэ шыӀагъэри нэхъыфӀщ.

Захуагъэм тету псэу зэпыти, псэкӀуэдщӀагъэ зимыӀи цӀыху дунейм теткъым.

Ӏущыгъэми дыжьыным хуэдэу укъехъумэ, ауэ ар абы зыкӀэ йофӀэкӀ: Ӏущыгъэм гъащӀэм хэлъ шынагъуэхэм пэӀэщӀэ уахуещӀ.

Дагъэ лъапӀэ къыпщахуэ нэхърэ, уи цӀэ фӀыкӀэ къраӀуэныр нэхъыфӀщ, дунейм укъыщытехьа махуэм нэхърэ, ущытекӀыжри нэхъыфӀщ.

Ӏулэм и уэрэдым уедаӀуэ нэхърэ, Ӏущым и гие ущӀэдэӀуныр нэхъыфӀщ.

Ешхэ-ефэ щызэхэт унэм укӀуэ нэхърэ, гуӀэ нэпсыр щыщӀагъэкӀ унэм ущӀыхьэмэ нэхъыфӀщ: ажалыр псоми къапэщылъщ, ирегупсыс абы псэ зыӀутыр.

Ӏущым и гур гуӀэ нэпсыр щыщӀагъэкӀ унэм щыӀэщ, Ӏулэм и гур ефэ-ешхэр щызэхэт унэм къикӀкъым.