Beliebte Verse in Matè̌ 5

Teilen

Kòyò shělî hto mî̌tè̌ko dě kòyò toglǒbǐ a kû̌ phû̌běnu a ô̌ tôpwǎ̤꤮ tô̤̌. Kòyò dǎhtò̌ a dǒ mî̌tè̌kowǎ̤khû̌ dě a lî bǎ bò kòyò tôhǐtôphò. Pô̤̌nudě, pô̤̌khô kòyò gǔ htû̌sò̌htò̌ papha ô̌ dǒ mǒkhû̌ nutôpwa̤ ayanu, nolîkakha htò̌lṳ̌ sî ta̤ma̤wô̌ nutokhlǒ dǒ kòyò pṳ̂̌꤮ tôpwa̤ alô̤mô̤̌nu.”

“Sî tokhlǒ mî̌ asô̌sô̌kû̌ hǎkhû̌ ata̤lî nuhǒ. Wî̤̌ ô̌dǒ khôlôlô̤ tôwî̤̌nu kòyò ma̤ tûdûbǐjò a tô̤̌.

Kòyò dǒ asǎphlǒ mṳ̂̌plî tokhlǒnu, a nǐ̤bǎ ta̤ǐshowî̤. Ma̤titèhî̌dě a kè̌shǐ phǔti̤nǐ̤ anǎ̤ kû̌ Cǒmara pě.

Kòyò dǒ a sǎyṳ mè̤̌mî̌ca ta̤cǒta̤tè̤ tokhlǒnu, a nǐ̤bǎ ta̤ǐshowî̤, ma̤titè̌hî̌dě a nǐ̤bǎbò ta̤cǒta̤tè̤ dǒ a sǎyṳ nutokhlǒ pě.

Bǎbǎkǎlè he hî̌ sî, mô̤ǐ lô̌khô kòyò dǒ a sǎkhěkhû̌khwè sî nutokhlǒ dě kwicaba bǎ kòyò dǒ a ma̤jî̌ma̤jû̌ sî nutokhlǒ.

Kòyò dǒ a nǎla̤ǐ pwǎ Cǒmara dǒ ta̤ lǒ̤bò akû tokhlǒnu, a nǐ̤bǎ ta̤ǐshowî̤. Ma̤titèhî̌dě mǒkhû̌ shilǎ̤gǎkû numî̌ kòyò pô̤̌nu tokhlǒ ata hǒ.

Kòyò dǒ a ma̤pè̤̌ma̤dû ta̤ tokhlǒnu, a nǐ̤bǎ ta̤ǐshowî̤. Ma̤titèhî̌dě Cǒmara kaǎ asî kû̌ aphû̌ tokhlǒ pě.

Kòyò dǒ ahǎ sî tokhlǒnu, a nǐ̤bǎ ta̤ǐshowî̤. Ma̤titèhî̌dě Cǒmara ma̤lèǐ asî pě.

Kòyò dǒ kò ma̤jî̌ma̤jû̌ lû̌û dǒ ta̤cǒta̤tè̤ akhû̌akhî tokhlǒnu, a nǐ̤bǎ ta̤ǐshowî̤. Ma̤titèhî̌dě dǒ mǒkhû̌ ashiagǎkû numî̌ kòyò pô̤̌nu tokhlǒ ata hǒ.

Kòyò dǒ a sǎyṳgwèbǎǐ kò tokhlǒnu, a nǐ̤bǎ ta̤ǐshowî̤. Ma̤titèhî̌dě Cǒmara gǔ sǎyṳgwèbǎǐ shěshu asî pě.

“Bǎ kòyò pîjî̌ǐsho sî, kòyò ma̤jî̌ma̤jû̌ sî, kòyò pè̤̌le̤pè̤̌ge sî dě kòyò hî̌ phû̌mò̤̌ sî dǒ hekhû̌khî tokhlǒnu, sî nǐ̤bǎ ta̤ǐshowî̤. Sǎlě̤sǎlò̤ lô̌khô, mô̤ lô̌khô nî̌꤮, sî ta̤ma̤nǐ̤khû̌kǎ dǒ mǒkhû̌nu adû̌môti̤ hǒ. Piwi̤pèshè dǒ awǐnu tokhlǒnu, kòyò ma̤jî̌ma̤jû̌ hto asî pô̤̌nuhǒ.”

Kòyò dǒ a sǎphlǒ sǎdôhôbî̌ kû̌ shò̌lò̤ asǎphlǒ tokhlǒnu, a nǐ̤bǎ ta̤ǐshowî̤. Ma̤titèhî̌dě hǎkhû̌ hǒtôbǎnu a htûhtò̌bò a ta pě.

“Sî tokhlǒ mî̌ asô̌sô̌kû̌ hǎkhû̌ îsǎ. Bǎbǎkǎlè îsǎ kè̌ shukaha petô̤̌ hî̌dě cû̌ma̤ shukaha getîkhî jòpe a hî̌tè? Kòyò noǎ jòpetô̤̌. Kòyò wîkè a dǒ klè̌dakû dě kòyò yî̤̌pwî̌ khabô̌ bò pwǎ a pě.

Ma̤pô̤̌nudě, pô̤̌khô sîpha dǒ mǒkhû̌ nutôpwa̤ alǒabenu, lǒbewô̌ sô̌sô̌kû̌ anu nî̌꤮.”

Na hî̌bǎ akhanu, amè̤̌ dě ‘amè̤̌’ hî̌, amè̤̌tô̤̌ dě ‘amè̤̌tô̤̌’ hî̌, lǒ̤bò ta̤hî̌lǒhî̌khlo nutokhlǒ mî̌ a ô̌ dǒ hǎkhû̌tana a hè pwǎ.”

“Sî ganǎ̤de hto tûû̌ kòyò hî̌ kû̌, ‘kè̌ kòyò tôpwa̤pwa̤ ma̤la takǎ kòyò mǐ̤sǎnu, kòyò bǎ ma̤la getîkhî a mǐ̤sǎ. Htodě a kè̌ ma̤lagǎ takǎ akhû̌khinu, kòyò bǎ ma̤lagǎ tîkhî akhû̌khi.’ Bǎbǎkǎlè he hî̌ sî, ma̤ getîkhî tǎ̤ kòyòkhu kòyòhe nutôpwa̤ alǐ̤ tǎ̤mǎ̤. Kè̌ a plǎ̤ sî nò̌shî̌ cǔtômû tôkhô hî̌dě noplǎ̤ pô̤̌ yǎ cǔcôcî̌ tôkhô pe.

Namǐ̤sǎ cǔtômû tôkhô kè̌ noma̤ na ta̤sǔ kè̌hî̌dě, cewehtò̌kè yǎ dě wîkè yǎ. Tònò̤̌ Cǒmara gǔ wîtě̤kè bò na nǎ̤glǒ dǒ larakûnu, namǐ̤sǎ lakè tôkhô mî̌ awô̌khlo pe. Na cǔde cǔtômû tôkhô kè̌ noma̤ na ta̤sǔ kè̌hî̌dě, pě̤tṳ̌ kèyǎ dě wîkè yǎ. Tònò̤̌ Cǒmara gǔ wîtě̤kè bò na nǎ̤glǒ dǒ larakûnu, na cǔde tṳ̌kè tôkhô mî̌ awô̌khlo pe.