Beliebte Verse in Matè̌ 6

Teilen

Kè̌lǎ wǐ lô̌khô Cǒmara ashiagǎ kû̌ a ta̤tě̤ta̤mè̤̌ tokhlǒnu, dě lǒ̤bò ta̤dǒ sî lǎ̤lṳ̂ tokhlǒnu, Cǒmara gǔ ǐ pô̤̌ sî pě.

Ma̤pô̤̌nudě, pewô̤pě ayanu gû̌gè̌ tǎ̤ lô̌khô tǎ̤mǎ̤ nî̌꤮, ma̤titè̌hî̌dě, pewô̤pě ayanu, a ta̤gû̌ta̤gè̌ ô̌khô̌ tûû̌ pě. Tôni̤ kû̌ tôni̤ a ta̤gû̌ta̤gè̌nu a shû tûû̌ aya hǒ.”

“Ma̤pô̤̌nudě he hî̌ sî, bǎgû̌bǎgè̌ tǎ̤ dǒ sî ta̤ô̌htûpwa̤ ayanu tǎ̤mǎ̤. Sî lǎ̤ǎlǎ̤ô aya bǎbǎ, sî lǎ̤kûlǎ̤sô̌bǐ kû̌ sî nǎ̤glǒ aya bǎbǎ, bǎgû̌bǎgè̌ tǎ̤ lô̌khô tǎ̤mǎ̤ nî̌. Pa ta̤ô̌htûpwa̤ nî̌ a lṳ̂dû̌khlo pe kû̌ lǎ̤ǎlǎ̤ô mè̤̌tô̤̌ ya? Pa nǎ̤glǒ nî̌ a lṳ̂dû̌khlo pe kû̌ lǎ̤kûlǎ̤sô̌ mè̤̌tô̤̌ ya?

Bǎbǎkǎlè sînu, bǎ sî kwicaba akhanu, genṳ̌ dǒ hǐdǒkû dě htǒbǐ takha. Htodě kwicabahtò̌ papha dǒ a ô̌dǒ ta̤suǔ agûlǎ̤ tôpwa̤ a ô̌nu. Sîpha dǒ a kè̌shǐ jò ta̤ô̌ tûdû tôpwa̤nu, a ǐ sî ta̤ma̤nǐ̤khû̌kǎ pě.

“Sî tôbǎ kwicaba hî̌tè numî̌, kwi lô̌khô pô̤̌o nî̌, ‘Ǒ꤮ papha Cǒmara ô̌dǒ mǒkhû̌꤮ kòyò bè̌dû̌bè̌htû bè̌dubè̌nǎ̤ pû nami̤ plò̌shǐ nunî̌꤮. Na gǔ hèma̤ nashinagǎ bǎ hǎkhû̌nu nî̌. Pô̤̌ na ta̤sǎyṳ lǒbe dǒ mǒkhû̌nu, nolǒbe tûû̌ pû yǎ bǎ hǎkhû̌ nunî̌꤮.

Ǐlò̤ pû pa lǎ̤ǎlǎ̤ô dǒ pa lṳ̂bǎ khò̌tini̤ aya nutokhlǒ nî̌꤮.

Pô̤̌ pa plûkè hto kòyò dǒ a ma̤sǔ pa tokhlǒ ata̤sǔnu, plûkè pû pa ta̤sǔta̤plě dǒ pa cû̌ma̤sǔ kòyò nutokhlǒ nî̌꤮.

Nocû̌nṳ̌ tǎ̤ pa dǒ ta̤tili̤tôlô̌ aklanu tǎ̤mǎ̤ nî̌꤮. Mè̤̌mè̤̌tôkhônu ma̤hǎplǎge mò̌ pa dǒ hǎkhû̌tana a cǔdekûnu nî̌꤮. (Ma̤titèhî̌dě shigǎ bǎbǎ, ta̤pô̤ta̤phǎ bǎbǎ, ta̤bwǐdû̌sîrîhtû bǎbǎ hǒo numî̌ nata tûjû̌pwa̤ talakhǎ nî̌. Ame̤.)’

“Ma̤titèhî̌dě sî kè̌ plûkè kòyò dǒ a ma̤sǔ sînu tokhlǒ ata̤sǔ kè̌hî̌dě, sîpha ô̌ dǒ mǒkhû̌ nutôpwa̤ plûkè tûû̌ sî ta̤sǔ pě.

Kè̌lû̌mò̌mṳ lô̌khô htû̌phû̌yṳ̌phû̌ dǒ mǒlǎ̤ nutokhlǒ. A shǒǎ gû̌ kòyò tô̤̌, a kǎ gû̌ kòyò bǔshò̌ tô̤̌, a phò ô̌ gû̌ kòyò tô̤̌ bǎbǎkǎlè sî pha Cǒmara dǒ mǒkhû̌ tôpwa̤ bǔǎ asî. Sî dě, sî lě̤dû̌pwî̤htû khlo kû̌ htû̌phû̌yṳ̌phû̌ nutokhlǒ mè̤̌tô̤̌ ya?

“Ta̤dû̌yò̤̌htò̌sa dǒ hǎkhû̌nu, bè̌plǒ tǎ̤ dǒ sîya tǎ̤mǎ̤, ma̤titè̌hî̌dě ta̤ hǒtokhlǒ numî̌ akrû̌ agwǎ ǎ jò, a htǎǐ htǎkrô̌ bǎjò, pwa̤ǎhǔ ǎhǔ jò pwǎ. Bǎbǎkǎlè bè̌nṳ̌plǒ lô̌khô sî ta̤dû̌yò̤̌htò̌sa dǒ mǒkhû̌ dǒ agwǎ akrû̌ ǎ jò tô̤̌, a htǎǐ htǎkrô̌ jò petô̤̌, pwa̤ǎhǔ htò̌ǎhǔ jò tô̤̌ agûlǎ̤nu. Ma̤titèhî̌dě, sî ta̤dû̌yò̤̌htò̌sa ô̌bǎtè tûkûnu, sî sǎphlǒ ô̌ bǎnu.”

“Kòyò ma̤jò ta̤ma̤ dǒ běcǎ sò̌ginǐ̤ ata̤ noǎ alǎ̤nu aô̌ tôpwǎ̤꤮ tô̤̌. A glè̌ sǎkhěkè tôpwa̤ pě, dě a glè̌ mô̤ǐ tôpwa̤ pě. Mè̤̌tô̤̌dě a glè̌ sǎphlǒ tô tôpwa̤ pě, dě a glè̌ ma̤takhû̌takǎ tôpwa̤ pě. Sî ma̤ bǎ Cǒmara ayaya, ruhta ayaya ginǐ̤cǒ nu, anǐ̤ tô̤̌.”

Kòyò ta̤yṳ̌ta̤nǎ̤ pî̌tî̌ sî꤮, mi̤mṳ̌ kû̌ sǒgotǒ̤ dě adô̌htò̌ khò̌tini̤ dě, pewô̤pě kòyò shû̌gè̌ nṳ̌kè a kû̌ mî̌ pwǎ tokhlǒ dě Cǒmara dǐkûdǐsô̌ a kè̌hî̌dě, sî tokhlǒnu, Cǒmara gǔ dǐkûdǐsô̌ mè̤mè̤̌ mî̌ca sî pě.

Bǎbǎkǎlè, pô̤̌khô sî lṳhtò̌hǔsè̌ jò kòyò hǎwǐ̤shèwè̤ tokhlǒ ayanu, sî cǔtômû ǐta̤nu no sî̌ganǎ̤ tǎ̤ cǔcôcî̌ tǎ̤mǎ̤. Sî kè̌ ma̤pô̤̌nu hî̌dě, sîpha dǒ a kè̌shǐ jò sî ta̤ǐhǔǐsè̌ tôpwa̤nu, a ǐ sî ta̤ma̤nǐ̤khû̌kǎ tokhlǒ pě.”

“Pô̤̌khô kòyò gǔ kè̌shǐ sî dě kòyò gǔ htû̌sò̌htò̌ǐ sî ayanu, pṳ̂̌měwô̌ pwǎ ta̤ dǒ kòyò lô̤mô̤̌ numî̌ a tôtô̤̌. Sî kè̌ ma̤pô̤̌nu mî̌, pha Cǒmara dǒ mǒkhû̌ tôpwa̤ ǐ nô̌ sî ta̤ma̤nǐ̤ khû̌kǎ tô̤̌.

“Bǎ sî dǔǎshǎ akhanu, jî̌nôjî̌jǎ tǎ̤ sîmǐ̤sǎ pô̤̌ kòyò jî̌cǒjî̌tè̤ anǎ̤ nutokhlǒ tǎ̤mǎ̤ nî̌꤮. Pô̤̌khô kòyò gǔ sî̌ganǎ̤ kû̌ asî dǔǎshǎ nudě a jî̌nôjî̌jǎ amǐ̤sǎ. He hî̌cǒcǒ sî, dǒ kòyò htû̌sò̌ asî akhû̌akhî, asî nǐ̤bǎ lǒlǒbebe bò akhû̌akǎ hǒ. Khû̌kǎ dǒ ashǔshawa̤nu a nǐ̤bǎ petô̤̌. Bǎbǎkǎlè sînu, bǎ sî dǔǎshǎ akhanu, plṳ̌ lô̌khô sî ikǒ kû̌ mòû̌shi, khwǐplî lô̌khô sî khǔlṳ dě pla̤bò lô̌khô sî mǐ̤sǎ. Pô̤̌khô kòyò gǔ kè̌shǐ sî̌ya kû̌ sî dǔǎshǎ tô̤̌nu, ma̤ lô̌khô pô̤̌nu. Bǎbǎkǎlè sîpha ô̌dǒ ta̤suǔ tôpwa̤nu a gǔ kè̌shǐ ta̤ma̤ dǒ a suǔ tokhlǒ dě a gǔ ǐ sî ta̤ma̤nǐ̤khû̌kǎ pě.”