Beliebte Verse in 2 Korinti 5

Teilen

Ka̱ram ka a̱yin na̱n mon bu Yesu Kristi ni, a̱ brak a̱ tyyi a̱hwai a̱yin. A̱kukwo a̱yin a̱ywu a̱ wruk, a̱hwai a̱yin nu a̱n nwa.

Yesu Kristi a̱ yin byyi a̱ka̱tukyya ba, ma a̱zihywak njit Ka̱za a̱ ku tyyi na̱ yet a̱ntyok a̱ka̱tukyya, zi gi tyyi kyang yring ba̱ nu i gi ma̱n shya dizizrak Ka̱za ti.

Rot ka̱cyet njit ka a̱ shyi ntyyi rya, ba cyang da̱ a̱ssi ba.

Ka̱za a̱mi a̱ yya nkyang ani sa̱rei rot dikwu Kristi ti, ka za brak nyyai i yet ba̱ra̱ndwan a̱n yya ba̱rywai; a̱ bo za ryi pfong kwak ba̱yanyet ba nwa dirywai ti ba̱ nka. Pfong a zi tyyei ni nkpa yet: Ka̱za a̱mi a̱ yin tom Yesu na̱ bu tyyi ba̱nyet ba ba tyyi ba̱rywai nka; wato Ka̱za a̱ sook a̱ka̱tukyya mba nu a̱ weyang, a̱ za tom zi bu tyyei ka̱sak ka ba nwa dirywai ba̱ nka ni.

Njit zi yet wakilai Yesu a̱mi, Ka̱za a̱ za tom zi bu ya naai. Di ba̱pfong Yesu ni zi ya naai yi ryok Ka̱za a̱ ya brak nyyai i dira̱ndwan ti, yi yet ba̱rywai nka.

A̱ kwu a̱zihywak ba̱nyet ba̱sa̱rei; rot a̱mi ba̱nyet ba a̱ ri swat a̱cet u ni a̱ bo ryok swat-swat a̱ccu mba ba rot ba ka̱n kwi ba̱ nu, seko ba swat-swat a̱tuba na a̱ kwu ba bo ku shyek a̱zihywak mba na ni. Rot a̱mi, zi bu byyi cyang a̱yin di ba̱nyet ka̱sa ba ni ba. Ko di ka̱ram iyemi zi yi yen cyang Yesu taka̱i cyang iya, ma naani zi bu ku cyang a̱mi ba.

Cat Yesu Kristi a̱mi gwwak ndya njit a, rot zi bvwo ba̱zizrak, ki a̱tuba a̱yring a̱ yin kwu a̱zihywak ba̱nyet ba̱sa̱rei, to sa̱rei ba̱nyet iya a̱ ma̱n kwi ba̱ nu.