Beliebte Verse in 2 Korinti 4

Teilen

Rot zi sak ka̱ssi njit ka a nkyang a ba wi cyang da̱ a̱ssi ni, ma ba a nkyang a ba cyang da̱ a̱ssi ni ba. Nkyang a ba cyang da̱ a̱ssi ni a̱ na da̱de ba, ma nkyang a ba wi cyang da̱ a̱ssi ni byyi tyak ba.

Nkpa n byyi zi ka̱n wi tun rya na. Ko di ndwam ani zi byyi ni nan sswa ka̱bvung i, tswa njit ji bvan yet swai kozan ka̱tuk. Ka̱babvung ka zi yen sswa ni a̱ ni seyak ba̱nyying zi nwa a̱gba̱dang gwai u a̱ byyi tyak ni ba, nying ji ran ka̱bvung ka zi sswa ni.

Ka̱ram ka̱yaan ba na za nyep ba̱t, ma ba nza gwwak ba. Ka̱ram ka̱yaan ba za tyyi a a̱ka̱tuk a̱huhwa, ma njit ba ntun ndya ba. Zi byyi ba̱ra̱ndwan ba̱gingang, ma zi ta̱ba ryin ba̱rywai ba. Ka̱ram ka̱yaan ba yya da̱ njit, ma ba za hywaai ba.

Njit ba̱nyet ba a̱ shya taka̱i zwa iya ni zi ryi da̱ a̱kpam a̱ron ni, koyan a̱ ga bvwo a̱gba̱dang cet nu a̱ yet a̱nying Ka̱za, ku yet njiit ba.

Ba rak san na rot a̱ka̱tuk a̱gwam ka̱sa nu a̱ tyyi ryin na a̱n hywat ndya mba na ni. A̱ ba̱ bvwo ryi ka̱bvwa sai ka ba yrang a̱ ba̱ wwon mi ni; nka a̱mi a̱ shyi i Ka̱sham Ba̱ryat ka zi tyyei tazwa shii Kristi ka ni, nu a̱mi zi ryi ka̱sak ka Ka̱za kan dyi ni da̱ nu ba̱zizrak.

Rot Ka̱za ka a̱ yin hywa, “Ryok ka̱bvwa sai a̱ nwa, ka̱bvwa ndyin ka a̱ brak sai,” nka a̱mi a̱ tyyi ka̱bvwa sai ka ka sai ka̱yat ndya njit ka a̱ ga za ba di bvwo Ka̱za na sai nyyai a a̱ssi Yesu Kristi na ni.