Beliebte Verse in Gênesis 32

Teilen

Waneya jeji wan-tshinru Jacó: — Xawakni hi Jacó phiwakatko seyni Israel phiwakatko klu tshinanu Hoyakaluyma pyapretaklu, yineyma koxa pyapretaklu hiyáhoni pyoptotlu.

Waneya jeji wla tshinru: — Puchotanno nyiywakapa klu tshinanu hohistsitkani. Seyni wla htshinatka Jacó: — Hi nuchotanyi kihlewaka pma tshinanwakatkanuko pchinno.

Waneya rapaluchatatka Jacó. Waneya wanekni satu jeji yahoxyalu haté rumrerekatka tkatshi.

Waneya wale poktshi rutakhiwakata Jacó. Peniel hhiwakatlu klu tshinanu wla htshinatka nethojitlu Hoyakalu seyni hi nupnatka.

Rexinixka jeji hi rakota yahotletlu Jacó, Jacó tpali hapu yokle hyotnekatka hpixkonuyma hiyáhoni Jacó tpali hapu yokle himtuwnatka hyahotkakka pchinikna.

Waneya Jacó repomha: — Klu hiwakyihe? Waneya ruhitatka, wla htshinru: — Nhiwaka Jacó.

Waneya Jacó wla tshinru: — Klu hiwakyihe pixa, punkakhiwakatanno? Seyni wale wla tshinru: — Klu tshinanhe paluk-himatka hiwakatno? Wanekni kihlewaka htshinanwakaxyatkalu.

Seynimka hita hi hijhakalurpotno pepixle tshinanuya, hi napkaplu halikakalutu pirana puphujetleru hita ptowrerno yehiya. Klu tshinanu hit-mitshi Jordão wenne nkopruhaxyatka nkanojereymatka tsonu seyni xawakni hepi xkehi mnutkano.

Wale tshinanu israel-nerune hitpali hapu yokle hi hnika haté xawakni klu tshinanu Jacó tpali hapu yokle himutskirhalerutkani hyotenkoklunutka mitshi.

Waneya Jacó wla tshina hanjireta: — Ha Hoyakalu, nurni Abraão-ni Hoyakalute, nuru Isaque Hoyakalute, Tsru Hixikatshriwa Hoyakalu honukla nunkaklexijeru wla ntshinjeru: “Ptshijne nwaka psatkapanu, pimolene nwaka. Wane hixatshripyi nepixanyi kihleruya.”

Hiyáhoni xawakni nanjityi pepixyawakapno, pkochpakanno nomole Esaú myoya. Klu tshinanu npiklu klu tshinanu pa katako runanu hita ruylaxyawakapa hiyrun-koxa runrona ymakananu mturune ruylatanu.