Beliebte Verse in Tashches Corintoĉantyidyes 15

Teilen

Vojity, miꞌin mạꞌjeyacdyety yụ, fer buꞌyi raꞌ miꞌin, jam raꞌ yocve dyijyi miꞌin, fer raꞌ carijtaqui Ayodyes miꞌin, jämꞌtujcavac. Aty chịj miꞌin carijtaĉaꞌ Ayodyes jụijyaꞌ tsun, mọꞌ jam fibis shupquiꞌ carijtacdyeꞌ tsun, anic yaꞌiꞌ mọꞌ shupquiꞌ.

Yoshoropaij jéjaꞌ Jenꞌ tsun, Jesucristoyaꞌ Ayoꞌ tsun, muꞌ jiꞌc̣honsinꞌ sänꞌdyeꞌyaꞌ tsun.

Anic rụij shupquiꞌ mọꞌ p̂eyacdyeꞌ muntyis, yiꞌ: "Tyi chuc penꞌdyetucsi muꞌin ac̣hiꞌyity in, muꞌ qui raꞌ chimeꞌ jịjcatacsi cäc̣häꞌ", yiꞌ. Anicdye meꞌ, mọꞌdyes jam raꞌ ĉụiꞌ väñätuti miꞌin.

Muꞌ na Jenꞌ ñịbeꞌjin yụ, ñịbeꞌyedyeꞌyaꞌ muꞌ yoc yuꞌtyin yụ paj qui yocve bäꞌyi yụ. Jam fibiꞌ meꞌ ñịbeꞌjin yụ, ĉaĉaij na yụ mujuꞌchaꞌ fer carijtaqui yụ muꞌdyes, jam jeñej yoctyiꞌ jutactyiꞌ Jenꞌtyiꞌ muꞌ. Jam qui namꞌ ĉụiꞌsiꞌyaꞌ ferdyeꞌ carijtaqui yụ, Jenꞌsiꞌyaꞌ ferdyeꞌ muꞌ paj qui meꞌ carijtaqui yụ.

Jadyic raꞌ jiꞌpensinꞌ sänꞌdyeꞌ, mijam raꞌ quivij meꞌbusinꞌ", yiꞌ sánacdyeꞌ. Mọꞌ juchaj soꞌmeꞌ ferdyeꞌ mọꞌ sänꞌdyeꞌ, mọꞌ qui meꞌsinꞌ, mọꞌ na yụꞌtacdyeꞌ Jenꞌsiꞌ muꞌ, mọꞌ soꞌmacsiꞌ vaꞌtacdyeꞌ muꞌin juchajtumtyiꞌ in.

Jeshaꞌ yụ raꞌ jéyac ọij p̂eyacdyeꞌ jam chị́yes muntyiꞌ in, yiꞌ: pạrej raꞌ jam sänjaꞌ, räj qui na ramꞌ Jenꞌ yoc yuꞌsinꞌ, yocsiꞌ qui raꞌ aꞌ tsun, yiristum raꞌ muꞌ yuꞌsinꞌ aty ayijbanꞌyaꞌ mọꞌ tupudyeꞌ. Mạꞌiꞌ raꞌ tujyedyeꞌ, tujyedyeꞌĉandye raꞌ vañinyeban säñity in, aty qui raꞌ jam sänꞌdyety in, tsunsiꞌ raꞌ aꞌ chimeꞌ yoc yuꞌbusinꞌ muꞌ Jenꞌ.

Aty juchaij jiquej muꞌ tashchety muntyiꞌ q̂uinꞌ räj sänꞌdyety tsun, meꞌdye chimeꞌ muꞌ yirity muntyiꞌ yuꞌsinꞌ tsun paj qui vañinyebajshaꞌ tsun. Q̂uinꞌ muntyiꞌ tsun räj sänꞌdyety tsun ĉaĉaij na Adántyiꞌ vóshiꞌ tsun, meꞌdye raꞌ chimeꞌ räj vañinyebajshaꞌ tsun ĉaĉaij na Cristoty tsun.

Mọꞌ focoiꞌsiꞌ q̂uinꞌ aꞌ tsun mọꞌ sänꞌdyes, mụiꞌsis qui raꞌ shubanꞌ mọꞌ, mijam qui raꞌ junꞌ mọtsiꞌ aty qui raꞌ jam junꞌ sänꞌdyes.

Mọꞌdyes q̂uinꞌ yejĉoij raꞌ muꞌ ayoꞌbuꞌyi muꞌ Cristo junꞌ quiꞌ chuc muꞌ Jenꞌ jiꞌpenbite muꞌin fạ́quetety in. Tas raꞌ jiꞌpenac in fạ́quetety in, muꞌ raꞌ jiꞌpeñeꞌ mọꞌ sänꞌdyeꞌ, mọꞌ jeñej buꞌyiꞌ fáquisinꞌsiꞌ tsun, jadyic raꞌ säñi muntyiꞌ in.