Beliebte Verse in മത്തായി 26

Teilen

സോദണേക്ക് സിക്കാദെ ഇര്‌ക്ക്യ ഉറാങ്കാദെ പരേസിരി. മനേസ്സ്‌ക്ക് ആസെ ഇര്‌ക്ക്‌ദ്, ആന സരിഗലാക്ക് മുഡിരാദില്ലെ>> എന്ത് സൊന്നാ്.

ഏസു അവാര്‌ക്കെ: <<എന്ന് മനേസ്സ്‌ക്ക് സങ്കഡ താങ്ക്യ മുഡ്യാദെ ഉജുറുക്ക് മുട്ടുസുദ്. ണിമ്മ ഇദിലി എന്ന്‌ദൊപ്പ ഉറാങ്കാദെ സൂസാരിത്ത് ഇരിരി>> എന്ത് സൊന്നാ്.

പ്‌റ ഏസു ലേസ അക്കോസ പോയി മണ്ണ്‌ക്ക് സഡാങ്ക ബ്‌ന്ത്: <<എന്ന് അപ്പ, മുഡിരദാനാക്കി എനാക്ക് ബര്യ പോര കജട്ട എങ്ക ഈ സെമ്പ്‌ണ എന്നോഡിര്‌ന്ത് ബിലാക്കി തരുഡോമെ. ആനാല്‌മ് എന്ന് ആസെപഡി അല്ല, ണിന്ന് ആസെപഡി താനെ ണഡാക്കുഡോമെ>> എന്ത് പരേസിനാ്.

ഇദ് എത്തിന്യൊ ആള്‌ഗാക്ക് ബേ്ണ്ടി സൂസ്‌റ എന്ന്‌ദ് സോരെ. എത്തിന്യൊ ആള്‌ഗാദ് പാവഗണ തീക്ക്യ ബേ്ണ്ടി സാമി മന്‌സാരോഡെ ബെത്തിര്‌ക്ക ഒപ്പ്‌കെ്ട്ട്‌ക്കുള്ള അഡ്യാളത്തെ ഈ ഊറിന മുന്തിരി സാര.

അവാര് തിന്ത്‌കൊണ്ട് ഇര്‌ക്കാട്ടി ഏസു അഡേന എ്ഡ്‌ത്ത് സാമിക്ക് ണണ്ണി സൊല്ലി മുറുത്ത് തന്ന് സൊല്ലുപഡി ണഡാക്കവാര്‌ക്കെ കൊഡുത്തിര്‌ന്ത്: <<ഇദ് എന്ന് സരിഗല. ഇദ്‌ണ ഏറ്റ് തിന്നിരി>> എന്ത് സൊന്നാ്.

പ്‌റ ഏസു ഊറിന മുന്തിരി സാര ഇര്‌ക്ക സെമ്പ്‌ണ എ്ഡ്‌ത്ത് സാമിക്ക് ണണ്ണി സൊല്ലി അവാര്‌ക്കെ കൊഡുത്ത്: <<ണിമ്മ എല്ലാര്‌മ് ഇദ്‌ണ കുഡിരി.

പ്‌റ ഏസു തന്ന് സൊല്ലുപഡി ണഡാക്കവാര് പട്ട്‌ക്കെ തിലിമ്പി ബന്ത് ണോഡുഗാട്ടി, അവാര് ഉറാങ്ക്‌റാദ്‌ണ കണ്ട് പത്ത്‌റോസ്‌ക്കെ: <<ഒരു മണികൂറ് എന്താല് ണിമാക്ക് എന്ന്‌ദൊപ്പ ഉറാങ്കാദെ ഇര്‌ക്ക്യ മുഡ്യാഗ?

എന്ന് അപ്പാന്‌ദ് ണാഡിലി ണിമ്മ്‌ദൊപ്പ ഇര്‌ന്ത് പുദ്യ മുന്തിരി സാര കുഡിക്കമാട്ട് ണാന് ഈ ഊറിന മുന്തിരി സാരണ ഇനി കുഡിക്കാഗേമാട്ടെ എന്ത് ണാന് ണിമാക്കെ സൊല്ലുറെ>> എന്ത് സൊന്നാ്.

അക്കുളെ പത്ത്‌റോസ്, <<കോയി കൂഗുറാദ്‌ക്ക് മുദ ണീ എനാണ തെര്യാഗെ തെര്യ എന്ത് മൂണ് ജമ്പ് സൊല്ലുവെ>> എന്ത് ഏസു സൊന്നാദ്‌ണ ണെനേത്താ്. അവാ് അപ്പ്‌താനെ ബെ്ള്യെ കഡാന്ത് പോയി സങ്കഡാണ അഡാക്ക്യ മുഡ്യാദെ ബായിബ്‌ട്ട് അഗ്‌ദാ്.

എ്ന്തി, ണമ്മ പോഗായി. എനാണ കാട്ടി കൊഡുക്കവാ് ഇദാ എജ്ജിനാ്>> എന്ത് സൊന്നാ്.

അക്കുളെ ഏസു അവാന്‌ക്കെ: <<ണിന്ന് ബാള്‌ണ ഒറേക്ക് ഇക്ക്. എന്ത്‌ക്കെന്റ ബാള് എ്ഡ്‌ക്കവാ് ബാളാലെ സാവാ്.