Beliebte Verse in E’doza 32

Teilen

Eri nga ’yo ra, Mi ru ngani ovu Yakobo’i: dika ku, te Israeli’i, mini afu fule Mungu be, ’ba be indi, mini agale rarisi.

Eri nga ’yo ra,Mi ku ma mu, anguni ’ye ati ati. Te eri ’yo ra, Ma ngani mi ku muzu ku, mi ka asi ndriza fe ma dri ku.

Ku Yakoboni a’dulesi; ’ba alu nga afu fu eri be omenekasi kpere anguni atiria.

Yakobo nga pari nde ma ru ’da Penueli’i, erini ’yole kini, Amani ama nezu Mungu be milia miliari ti, ma idri pa ira, ’dinirisi.

Eri ka ndre econi eri agazaru ku, eri nga eri ma o’dufesi gururi elo; Yakobo ma o’dufesi ma cimbi nga ani ti tru ra, erini afu furia eri be.

Eri nga ’yo eri tia, Mi ru a’di’i ya? Eri ’yo, Yakobo’i.

Yakobo nga zi eri tia, nga ’yo ra, Mi olu ma tia, ma zi mi tia, mi ru a’di’i ya? Eri nga ’yo ra, Ali le ma ru zi a’disi ya? Eri nga asi ndriza fe eri dri ’daa.

Sini ma asi ndriza mini dria, kani e’yo adaru mini dria, mini ecele ati’bo mini dri ’diyi ma azi werearu turi a’izu aluni ku; a’disiku ma zo ndra Yoridani ’dori dria kali mani be a’dule, te curu’do ma efu ngulumu iri.

E’yo’disi anzi Israelini nyani isu cimbini ovupi o’dufesi ma pari gururu ma driari ku, ecazu kpere andru, erini pari gururu Yakobo ma o’dufesiari ma isu cimbiniri elolerisi.

Yakobo nga ’yo ra, Mungu ma a’bi Iburahimuni, Mungu ma ati Isakani, Yehova ’yopi ma tia ’dini kini, Mi mvi mi vile angua ori’ba mini vu, te ma nga mi ’ye onyiru-ri la!

Mi pa ma, ma zi mi tia, ma adripi ma driasi, ada Esau ma driasi fo; ma ’ye erisi urisi, eri kazu emuzu ma o’dizu anzi ’pie, andripi be dria ku.