Beliebte Verse in AROMA 12

Teilen

Na mũtikahaananie ũhoro wanyu na wa andũ a gũkũ thĩ, no rĩrĩ, mũgarũrũke ũndũ ũngĩ nĩ ũndũ wa ngoro cianyu gũthondekwo meciria ma cio makerũhio, nĩguo mũhotage kwĩmenyera kũna maũndũ marĩa Ngai endaga mekwo, namo no marĩa mega, marĩa mangĩĩtĩkĩrĩka, o marĩa makinyanĩru kũna.

TONDŨ wa maũndũ macio, ariũ a Ithe witũ-rĩ, ndamũthaitha nĩ ũndũ wa ũrĩa Ngai aanamũiguĩra tha, atĩ mwĩrute mĩĩrĩ yanyu ĩtuĩke ihaki rĩa kũmũhakĩra igongona narĩo rĩrĩ muoyo, na rĩĩ itheru, o rĩrĩa rĩngĩĩtĩkĩrĩka nĩ Ngai, arĩ guo ũtungati wa ũũhĩgu ũrĩa ũmwagĩrĩire.

Kenagai nĩ ũndũ wa ũrĩa mwĩ na kĩĩrĩgĩrĩro, na hĩndĩ ya thĩna, kiragĩrĩriai; nakuo kũhoya-rĩ, rũmanagĩriai kũhoya na kĩyo.

Tiga gũkanatorio nĩ ũũru, no rĩrĩ, toragia ũũru nĩ gwĩkaga wega.

Ha kwendana na ariũ arĩa angĩ a Ithe witũ-rĩ, mũndũ nĩendage ũrĩa ũngĩ na ngoro ya uumaandũ; na ha ũhoro wa gĩtĩo, mũndũ nĩendage kaba ũrĩa ũngĩ atĩwo mbere yake.

Wendani wanyu nĩũtuĩkage o ũrĩa ũtarĩ na ũhinga. Ũndũ ũrĩa mũũru, ũthũũragei; naguo ũrĩa mwega-rĩ, mũkĩũrũmagie.

inyuĩ hanyu-rĩ, kũngĩhoteka, geragiai gũikarania na andũ othe mwĩ thayũ.

Endwa akwa, mũtikanerĩhĩrie, no mũtigagĩre Ngai arĩhanĩrie na marakara make: nĩ gũkorũo nĩ haandĩke atĩrĩ, Kũrĩhanĩria nĩ ũhoro wakwa, niĩ nĩ niĩ ngarĩhania; ũguo nĩguo Mwathani ekuuga.

Ningĩ ha ũhoro ũbatiĩ kĩyo-rĩ, menyai gũkaũgũtarĩra; rekei ngoro cianyu ihĩahĩagĩre thĩinĩ; na mũtungatagĩre Mwathani.

Tondũ wa Wega ũrĩa ndakinyĩirio nĩ Ngai-rĩ, ngwĩra mũndũ o wothe wa gĩkundi kĩanyu atĩrĩ, atĩ nĩatigage gwĩtua mũnene gũkĩra ũrĩa aagĩrĩirũo nĩ gwĩtua, no rĩrĩ, agĩage na meciria matarĩ ma mwĩtĩo, kũringana na ũrĩa Ngai aheete mũndũ o mũndũ riita rĩake kĩũmbe rĩa wĩtĩkio.

Menyai gũgathukĩra mũndũ o na ũrĩkũ ũũru nĩ ũndũ wa ũũru ũrĩa amwĩkĩte; wĩciragiei gwĩka maũndũ o marĩa mangĩonwo maagĩrĩire nĩ andũ othe

Iguanagai o mũndũ na mũndũ ũrĩa ũngĩ; tigagai kũgĩa na meciria ma mwĩtĩo, no mwĩtĩkĩre kũiganwo nĩ maũndũ marĩa manyinyi; tigagai kwĩona ta mũrĩ ogĩ.

Kaba rĩrĩ, mũndũ ũrĩa wĩ na ũthũ nawe angĩkorũo nĩahũtiĩ, mũhe irio; na angĩkorũo nĩanyotiĩ, mũhe gĩa kũnyua: amu weka ũguo nĩ makara me mwaki ũramũhũmbĩrĩra mũtwe.

Andũ arĩa mamũnyariraga-rĩ, marathimagei; rathimanagai, na mũtikanarumane. Arĩa megũkena, kenagai hamwe nao, na arĩa mekũrĩra, mũrĩrage hamwe nao.

Teithagiai andũ arĩa aamũre mabataro-inĩ mao, na mũtũũre mũgwatanaga ũgeni.

Amu-rĩ, o ta ũguo tũrĩ na ciĩga nyingĩ thĩinĩ wa mwĩrĩ ũmwe, na ciĩga icio ti cia wĩra mũthemba o ũmwe, no taguo na ithuĩ, o na gwatuĩka tũrĩ andũ aingĩ-rĩ, tũrĩ o mwĩrĩ ũmwe nĩ ũrĩa tũgwataine na Kristo, tũgagĩtuĩka atĩ mũndũ o mũndũ no ta kĩĩga kĩa ũrĩa ũngĩ.