Beliebte Verse in ROMA 12

Teilen

Ap kinangmon wene enepeleg toho werehonen turuk hag toho hiren turuk lamuhup fugmu Allahn hinindi kerap henebuhureg hit fanowap henebuhu. Fanowap henebuhumu Allahn ari roho turuk lamag peruk ane honoluk atuk lit fano ane men Allahn nindi perukon men hit honoluk aruhumu ninindi wirik toho welahe peruk lamuhup.

Nori, Allahn nit fahet indi nenesug ulug wene eke hiyag hisamin. Allah fahet emberuk hag toho hit henebe Allah og utuk lamuhup. Og utukmu yet hisahureg it inindi fano embehesa puhu. At uyug alma wereg lit hinindi fanowon At og utuk lamuhup halug Allahn fano wel naptuk puhu.

Fano welamuhuk peruk lit henehiyeg toho welamuhup. Siyag ane hunubam atukmu hinindi imbik wamburuk lit hondo reberuk lamuhup. Hinindi misig toho wereg lit umbusuk fug angge Allah fam sembahyang uruk lamuhup.

Siyahon palimu wereg lit hat apmayap habuhu fug. Haren fano ane turuk lit siyahon apmayap tuhun.

Nit-nit nonori hag toho welahe ulug hinindi enesug lit welamuhup. Nareyen tam hi nabehek fug puk nowen hiren tam hi eneptuk lamuhup.

Hiren ap hinindi enesug lamuhup halug hininggik apmane la fug. Siyag ane ari hik isahupteg fano ane eneg ap unubam tul peruk lamuhup.

Hit men seli roho wereg inaben mangno amul fug peruk angge famen hiren it obog toho men mangno roho welamul peruk lamuhup.

Nori, anden nindi henesug lahiyon welahebon arimanowen te mul wa reg lahe ulug nininggarehen ayeg waroho wat tahuk ulug wenggeltuk lamuhup fug. Allahn ili og henebuhu. ”Ayeg watuk ane Anden eneg ili wareg lahi,” ulug Ninikni Allahn ibag ane ari haharoho wereg.

Hiren tuk hag ane aben urukon henesukun siyag toho turuk lamuhup fug. Allah hime fanowon hunubam weregma Nonoweyen mingming heneptukmu fano roho turuk lamuhup.

Allah indi fanowonen hiyag nitisimu wene eke hit henebe obog toho hiyag hisamin: Hininggareg fahet wenggel haruk lahebon nit mondabi palimu welahe ulug wenggeluk fug anggeyen we wenggeluk hag tohon eneg wenggel haruk lamuhup. Wene fanowon Allahn hit henebe wal taneg wirim harisireg og hisarisimu wirim toho og hisarisiyon ari hikit toho hininggareg fahet wenggel haruk lamuhup.

Ap ekeyen siyag ane hunubam turuk halug hiren oho ayeg waroho ubam siyag ane tuk fug. Fano ane eneg ap obog toho unubam turuk lamuhup.

Hinindi misig henebe misig wereg lit ambi roho welamuhup. Alem palimu werehon fahet wenggel ha fug angge hinindi apma roho wenggel haruk lamuhup. Hininggareg fahet mun ane man ane nonoluk ninap welahe ulug peruk lamuhup fug.

Hat hare men ap uwag yinggoho wereg lit hare suburu obok toho wereg halug minag uruhun, ik obok toho wereg halug hinang uruhun. Undama helep yihik werehon lisoho hik isahunmu indi fano aruhureg nare fam siyag ane tirikik ulug inggali aruhu.

Hunusul ulug mug heneplug larukon arimano Allah unuk fam hi eneptuk lamuhup. It unubam lukuram uk fug angge unubahet sembahyang uruk lamuhup. Ap ekeyen enehiyeg toho wereg halug hir oho it men henehiyeg toho welamuhup. Ap eke uba yatuk halug hir oho it men uba yatuk lamuhup.

Allah wene fanowon holtuk inap enenggengge eleg halug ler eneptuk lamuhup. Pohon waharuk halug hondoko hinibam kilap enebul ulug wenggel haruk lamuhup.

Nit ap nenebe welaheyon nininggik nunuyug nunubam wereg angge famen nininggik nunuyug iniyabuk amu-amu wereg hag toho nit nenebe luhaloho welahe angge famen Kristus fam ebe misig hag toho wereg lit nit inggik uyug hag toho welahe ulug nonori men mangno roho welahe.