Beliebte Verse in Ibrani 9

Teilen

at Kristus nen esigit dilugat, nit akoni weyak kagarigogi mende deget diyagaluk inggi omanggi pasigat kambing sapi Allah waroko laguka eti kak, at ebe watlagikesik, yabunggane wisigin eti, nit weyak kagarigogi mende deget diyagaluk wisigin ʼbuk. Dek o. Nit akoni, at wagonem elokoma anggorlem dogoligogi mende dombok panot ninabigiluk wisigin o.

It inowado sikmangge mende pasik sapi amep erlok dek mende paga erlok pano korinako laguka. Eti paga, nit Kristus amep nggok mende paga, “Wene kinoba dek,” yiluk ninakla selekogo erlok mondok ʼbinaligogo o. Nit Allah iluk dogoligogo mende akla warlok mende dombok kagako dogowagaluk, domba isi pano mende Allah waroko laguka eti kak, at Kristus Allah Agurengge ikok mondok dogoligogo mende obatne paga, watlago dogolik, ebe Allah wogokike eti paga, nit alebat dek asigin mende yugunat kagako lagagu mende, at nen, “Wene kinoba dek,” yiluk, at amep paga ninakla selekogo ʼbinanggikemo werek o.

Nit akoni omanggi pasigat watlatlukmo nen, yabunggane wene ninoba ʼbigik, nggokik, kagasigin yiluk, at Allah nenat yisike eti kak

Allah nen wene ninasuk wakike mende etnogo ndak-ndagat kagako dogolik, yi mende ndi mende taʼbokogonat mep oba arlek korigogoma nogo nen, mep wulakidek kalok, nit akoni weyak kagarigogi mende sagalogo deget diyausak erlok dek eti paga, mep wakike o.

Eti paga, wene warogo alebagik wokninakike mende eti pago dogolik, nit ninasuk warek dek weyak kagako lagagu eti paga ninebe kerle warek negen welagagu. Esigit diluk werekma, at Allah nen Kristus watlagike eti paga kerle piyal ninakikesik, nit at nen wanisasike mende dombok ninom kun diluk, pano ikok mondok dogogin mende woknisagaluk, wene ngget mende warogo wokninabiluk, Kristus ebe kurli paga mendisike.