Beliebte Verse in Ibrani 10

Teilen

Nit ninewe inggi dogoluk degat wisigin yiluk ninilu eti paga, nit nandokonem it amberek puk arigogi eti kak, nit puk agidek, oba eberek-eberek nit-nit ninendainggen ago warogo ninasuk wat-wat kagako doguwok o.

Esigit diluk pago dogolik, nit-nit naʼbuwa-kaʼbuwarogo dogolik, yamak-yamak kagako doguwogoluk, ninendainggen ago wat-wat kagako doguwok o.

At obabut, “Wokisagin,” yiluk abok yoknisalok nen, ebe woknisaligogo eti, nit nen, “Eberogonat dikogo woknisagin,” yiluk akoni inil oba ninane ʼbukakogo yiligogi mende eti yisi mondok dogolik, aʼbetogo pago doguwok o.

Kit nen Allah akla warlok ambaligogo mende kagakonem, at nen, “Kit wokisagin,” yiluk abok yokisasike mende eti, waganubagik nen, kinobakanini kambuk yiluk kagako dogusak o.

At ebe etoma werekma, nit ninakla nen, “Nit weyak kagako,” yiluk wene munini ebeko mende pano kot ninakik, ninowado paga i elokonggen pano mende paga sobal ninakik, kagakike eti paga, ninendainggen omanggiat at oba panggot diluk ninayuk dekogo, at oba korokogo unggisi doguwok o.

Eti paga, alep weyak kagat kinako nggorlek kinakla mbugat welagagip mende eti ʼbogokogo togot digidek, yogondak ya esigit dilugat dogogun kalok, onggo nggok mende wokisagin eti paga, kinobatnerogo pago dogono o.

Ebe wene Allah wene yoknisasuka mende ninilu dogoligat, nineramenat, wene eti sagalogo togot diyalok weyak mondogat kagako dogogun kalok, nit yabunggane ninanggo sapi kambing Allah waresumo kotninabigin mondok degat o. Allah akla agaga dagaluk, o ilugun oba wene inoba ʼbigik, nggokik, kagasigin eti paga, at asili mende inebe kali aik weyak paga inako dogolik, nit at ane togot diyalok weyak kagako dogogun kalok, ninomat ninasunogo yiluk, nit nen didiluk ninayukogonat doguwok o.