Beliebte Verse in 2Korintus 5

Teilen

Akoni inebe Kristus inom kunik werek kalok, Allah yi mende ndi mende walkasike kak, inobabut ngget mende kagarinakemo werek o. Alep mende dek aga. Yabunggane ngget mende kagat laga.

Nit Kristus ninom kunggo kalok, at Allah nen enggaerek ninom pano suguluk kunogo ʼbinanigiluk, nit ninakeat ninobabut weyak kagarigogi mende eti, at Kristus weyak kagakidek mende oba ʼbisike o.

Nit ninilenggen kiligogi mende yoma oba panggot diluk werek ʼbuk. Dek o. Ninendainggen at Yesus oba panggot diluk werek o.

Mende, yi mende ndi mende eti taʼbokogonat at Allah nenat kagarigogo mende o. At Kristus kagakike eti paga, at Allah enggaerek nenat ninom kunogo ʼbinanggike. Esigit diluk ʼbinanggikesik nen, akoni amberek at inom suguluk pano dambukogo ʼbiyagaluk wene eti nit nen yogisilik noko dogowagaluk nit ninoba ʼbisike. Wene ninoba ʼbisike eti ebe, men. At Kristus ebe kurli pago dogolik kagakike eti paga, Allah nen yi akoni ndi akoni taʼbokogonat at enggaerek inom pano kunogo ʼbinanggike. At nen esigit diluk ʼbinanggo dogolik, nit akoni nen weyak kagarigogi mende wene ninoba ʼbigidek sagalogo togot disike o. At nen esigit diluk kagakike wene eti nit nen yogisilik noko dogowagaluk ninoba ʼbisike.

Nit Kristus nenat, ninayonggo ʼbiluk laʼbinani wagikemo wagagusik nen Allah nen wene yokisau kak, kinasuk warigogi o. Esigit diluk wako dogolik, “At Allah nen yabunggane suguluk kunogo ʼbinaguwak nen, at kinom dambulini o,” yiluk Kristus endaga mbalogo ninane panorogo yokisaligogi o.

Nit taʼbokogonat ninake watlagike eti, nit ninebe ninenggaerek ninake niniluk dogowagaluk watlagike ʼbuk. Dek o. Nit ninebe at ake dogowagaluk, at ebe nit ninake watlagikesik nen suguluk iluk agike o. Esigit diluk, nit nen kurli yogondak ya kurli nen, akoni nen inaren mbaligogi kak, it akoni amberek inaren esigit diluk mbaligogi dek o. Nen, alebagik Kristus aren esigit diluk mbalkugu kak, yabunggane esigit dilugat mbaligogi dek o.

At Kristus nit ninebe ninaʼbuwa ambaligogo eti paga pakisek dogoligogo mende. At arligat nit taʼbokogonat ninake watlagike o. Eti paga, nit taʼbokogonat watlagaguat o, yiluk didiligogi.