Beliebte Verse in 2Korintus 4

Teilen

Nit yi mende ndi mende ninilenggen kiligogi mende eti dek asigin mende. Ninilenggen kiligogi dek mende eti ikok mondok dogogin eti paga, ninilenggen kiligogi mende eti ake ninamborowak sebe yiluk kagakidek, ninilenggen kiligogi dek mende eti ake ninamborowak sebe yiluk kagarigogi o.

Eti paga, ninakla mbuk atluk togot digidek aʼbetogo kagarigogi. Ninowado sikmangge yi, weyak ago nggorlek, ninakla akmangge, kibitngge-yogongge ngget kagat ninako mondok werek. Nit yogondak, yi aik ndi aik kagat ninabigogi eti, elalma ake ʼbugurlagat o. Mende, esigit dilugat kagat ninabigogi eti paga, yabunggane pogorarigogo mende ikok mondok dogogin mende mondok nggogat inde asugun o.

Akoni nen nit yi aik ndi aik kagat ninabigogi mende, ninebe mondok weyagat ninakidek werek. Esigit diluk kagat ninakonem, ninggit diluk kagasuʼbuk, ninobake mbalarigogo mende, ninendainggen kuni arigogo dek. It akoni amberek nen, weyagat ninabuwogoluk kagarigogi mende, at Allah nen ninarligat togot dinanggidek o. Ndugi ninakonem sogumpogo liligogo mende, ninebe mondok watlarigogi dek o.

Nit wene yigit diluk yogisalik nokonem, akoni inilenggen niyasi dogolik, inakla nen, “It inobatne dek. At Allah obatne mondok werek kigi,” yiluk enggagat didisi dogowagaluk, iyak agat mende kagarogo kenasusak kak, pano mende eti nit erlok dek mende ninakla ʼbinanggemo werek o.

Esigit diluk werek eti, it akoni agat oba mende inombae Iblis etnogo nen inendainggen Allah oba panggot digidek mende eti, inendainggen amumet inakikemo werek o. At Kristus Allah kagatma, ebe pogorarigogi wene, pano wene eti paga liyarinabusak mende, liyarinabunogo yiluk, inendainggen amumet inakikemo werek o.

At Allah nen yisi dogolik, “O amum eti akla nen liya atnek,” yiluk yisike etnogo kak, at nenat nit ninakla amum mende eti liyat ninakikemo werek o. Esigit diluk dogolik, at Kristus elokonggen aʼbigil yakonem ninilenggen lakalok nen, at Allah pogorarigogo mende etnogo ebe endigirlik yiluk didisi dogowagaluk esigit diluk liyat ninakike.