Beliebte Verse in 2Korintus 1

Teilen

Ninewe Endaganggok Yesus Kristus ombae Allah eti pogorako doguwok o. At ninombae Allah obabut panoma, aʼburi yi mende ndi mende ake inakla weyak werekma inaʼbuwa kalok inakla panorinabigogo. Akoni amberek yi aik ndi aik kasi dogolik inakla weyak werekma, nit nen it inakla pano asuwak nen yiluk inendainggen sebeluwagaluk, at Allah nen nit esigit diluk yi aik ndi aik kasi dogolik ninakla weyak agonem ninendainggen sebeligogo.

At Kristus yi aik ndi aik kilik-kilik yabunggane ebeluk nggogat kasike eti kak, nit esigit diluk kiligogi o. Esigit diluk kasinem at Kristus nen nit ninakla pano atluk yabunggane ebelugat pano asuwagaluk ninendainggen sebelko mondok dogoligogo o.

Inebe mondok inasuwogoluk inabok mbalkonem, “Nit arat watlasugun kigi,” yiluk ambasi kak kagat lagike o. Esigit diluk kagat lagonem, ninendainggen ninenggaerek ninoba panggot diluk welagidek, mende, at Allah nen akoni watlatlukmo inilugut inabigogo mende etnogo oba panggot diluk dogowagaluk esigit diluk kagat lagike o.

At Allah nenat, kit inom, nit inom, Kristus oba kimbikogo ʼbinanggemo werek. Ninebe at enggaerek ake kagako dogowagaluk ninayonggo ʼbigik, inggi ambusu il enggerlogo ʼbinanggik, kagako dogolik, yi mende ndi mende yabunggane nggokogo nuwogoluk, alebagik dirlu niligogi kak, Allah nen nit ninake taʼbokogonat ʼbinanggike mende yabunggane woknisagaluk, alebagik Agurengge ndak ninendainggenma ʼbinanggikemo werek.

Nit yi aik ndi aik kiligogi eti paga, Allah nen kit kinakla pano asuwagaluk kinendainggen sebelkik, kinebe ndil kinakik, kagasigin o. Nen, nit yi aik ndi aik kasinem Allah nen ninendainggen sebeligogo eti paga, kit esigit dilugat yi aik ndi aik kasi dogolik kinobakanini kambuk yiluk dogogun kalok, Allah nen kinakla pano asuwagaluk kinendainggen sebeligin o.