Esigit diluk mende, at Kristus obatne agikesik eloke waganggo nggorlek nokonem, nit at ninom kunik mende Allah nen Kristus omborlik woknisek liligogo, yiluk pogorasuwok o. Esigit diluk woknisek noko dogolik, obasi pano mende sakogo liligogo kak, at Kristus kagakike wene etnogo nit nen wikalogo o yi ai ndi ai wolok lowagaluk woknisek liligogo. Eti at Kristus nen, obasi pano mende Allah ake kindu kunu kak, nit ninebe Allah wogorigogo o. Wogokonem, it akoni elamat larigogi mende nen,
“Obasi weyak. Akoni inebe inarigogo mende obasi kak,” kiligogi. Mende, it akoni ndil inabigogo mende nen,
“Obasi pano, inebe inilugut inabigogo mende kak,” kiligogi. Esigit diluk kiligogi eti paga, wene eti ta kak nen erlok wolok lausak ambegep?