Beliebte Verse in MORUTI 7

Teilen

O se itlwaetse ho halefa kapele, thoto di kwetlile kgalefo ka difubeng tsa tsona.

Mohla tsatsi la thabo nyakalla le wena, mohla tsatsi la mahlonoko ako hopole sena: Matsatsi ana, bobedi, a entswe ke Modimo; kahoo tsa kamoso motho a ke ke a di tseba.

Pheletso ya taba e molemo ho feta qaleho ya yona, momamelli o molemo ho feta moikakasi.

Ha ho ya lokileng mona lefatsheng, ya etsang ho molemo, ya sa etseng sebe.

Bohlale bo a sireletsa, tjhelete e a sireletsa; molemo o moholo wa tsebo ke ona: Ba ruileng, bohlale bo ba nea bophelo.

Bitso le letle le feta menkwane ka ho rateha, tsatsi la lefu le molemo ho feta la tswalo.

Ho molemo ho mamela kgalemo ya mohlalefi, ho ena le ho mamela pina ya dithoto.

Ho molemo ho etela lapa le aparetswe ke bofifi, ho ena le ho etela lapa la moketeko, hoba lefu ke pheletso ya motho ka mong; ba phelang hona ba ho nahane hantle.

Pelo tsa bahlalefi di lapeng la bofifi, pelo tsa dithoto di lapeng la menyanyako.