Beliebte Verse in रोमि 12

Teilen

इक्‍सादिङ् खाम्‍बेःक्‍मोबा थिम्‍मिन्‍नु मे़दङ्‌ङासिम्‍मे़न्‍ने़ॽओ कर खिनिॽ निङ्‌वाॽबान् ले़क्‍खे़म्‍मे़ॽर कुसङ् पोःक्‍खे़म्‍मे़ॽर पेगे़म्‍मे़ॽओ॥ हे़क्‍केलॽरिक् निङ्‌वाॽफुमाङ्‌ङिल्‍ले़ नुबा, कुनिङ्‌वाॽ के़दाबा नु कुलिङ्‌दो के़गे़प्‍पा कुनिङ्‌वाॽइन् थे वाॽ खे़न् निङ्‌वाॽ खोमा के़सुक्‍तुम्‍लो॥

आल्‍ल आमिःम् फुॽनुसाॽ नु ने़ॽनुसाॽसे, निङ्‌वाॽफुमाङ्‌ङिल्‍ले़ लुङ्‌माॽ के़दुक्‍तिआङ् वाॽ, खे़ल्‍ले़चोगुल्‍ले़ खिनिॽ कुहिङ्‌वे़त् नासिङ्‌गे़न् थक्‍किन् सेसे नु निङ्‌वाॽफुमाङ्‌ङिल्‍ले़ कुनिङ्‌वाॽ के़दाबा सिदुङ्‌जभा कुइसिक् तोःन्‍दे़म्‍मे़ॽ फाॽआङ् साॽरिक् पेलि फाक्‍निङ्‌लो॥ खिनिॽ चोःक्‍मा के़बोङ्‌बा याम्‍साम्‍गे़न् सेवान् बा कन्‍लो॥

खिनिॽ निङ्‌साङ् के़जोगुम्‍बाल्‍ले़ चोगुल्‍ले़ सःत्ते़म्‍मे़ॽओ, इनोगे़न् तुक्‍खे के़ज्‍ये़ॽइल्‍ले़ नासि थःत्ते़म्‍मे़ॽओ, तुवा चोःक्‍मा मे़ले़रे़म्‍मिन्‍ने़ॽओ॥

ताप्‍फे़ःम्‍बा पाःन्‍निल्‍ले़ के़न्‍नाःन्‍ने़न्‍ल, कर नुबा याःम्‍बक्‍किल्‍ले़ ताप्‍फे़ःम्‍बा पाःन्‍निन् नाःन्‍दे़ॽओ॥

लत्‍थिक् हिम्‍मोबा फुॽनुसाॽ ने़ॽनुसाॽ कुइसिक् लुङ्‌माॽ तुक्‍कासिम्‍मे़ॽ॥ आबाङेनुःल्‍ले़ यरिक् वेॽहाॽ मिङ्‌सो इङ्‌धाङ् पिरे़म्‍सिम्‍मे़ॽ॥

कुजे़क्‍काङ् लुङ्‌माॽ तुक्‍कासिम्‍मे़ॽ, ताप्‍फे़ःम्‍बा पाःन्‍हाॽ नाॽरे़म्‍मे़ॽ, आत्तिन् पाःन्‍निन् नुबा चोक्, बा खे़न् पाःन्‍नो पत्‍छे़म्‍मे़ॽओ॥

के़रे़क् मनाहाॽनु खिनिॽ सुक्‍सुक् सनारुङ्‌ङो वये़म्‍मे़ॽओ॥

आमिःम् आन्‍जुम्‍से, फे़न् पाःन्‍निल्‍ले़ कुले़क्‌वा आप्‍फाल्‍ले़आङ् ताप्‍फे़ःम्‍बा मे़जोगे़म्‍मिन्‍ने़ॽओ, कर निङ्‌वाॽफुमाङ्‌ङिल्‍ले़ कुसाक्‍के़न्‍नो ले़रे़म्‍मे़ॽओ, थेआङ्‌भे़ल्‍ले़ साम्‌योसाप्‍लाओ अक्‍खे साप्‍ते़आङ् पत्, “ताप्‍फे़ःम्‍बा याःम्‍बक् के़जोक्‍पे़न् खुम्‍दिङ् पिमाग आलक्‍लो॥ इङ्‌गाॽए कुले़क्‌वा नुःक्‍तुङ् पिरुङ् लॽरिक् यहवे दाङ्‌बाल्‍ले़ पाःत्तुरो॥”

आप्‍फाल्‍ले़आङ् ले़म्‍सुवाबा मे़म्‍बोङ्‌ङे खिनिॽ सिक्‍सम्‍ल हाङ्‌हाङ्‌ङाङ् दाङ्‌बाल्‍ले़ कुसे़वा चोगे़म्‍मे़ॽओ॥

निङ्‌वाॽफुमाङ्‌ङिल्‍ले़ पिराङ्‌बा लुङ्‌गुम्‍लाम्‍बा खिनिॽ साम्‍दिङ् पिनिङ्‌लो॥ खिनिॽ आक्‍तङ्‌बा के़जोगिॽ खे़न्‍नाङ्‌धो यरिक् मे़इःत्तासिम्‍मिन्‍ने़ॽओ, कर निङ्‌वाॽफुमाङ्‌ङिल्‍ले़ के़बिरिबा नसाःन्‍निल्‍ले़ खोःप्‍तुबा कुइसिःक्‍लक् सिङ्‌सिङ्‌ङाङ् निङ्‌वाॽ इःत्तासिम्‍मे़ॽओ॥

ताप्‍फे़ःम्‍बा पाःन्‍निल्‍ले़ कुले़क्‌वा ताप्‍फे़ःम्‍बा पान् आत्तिन्‍नाङ्‌ मे़मे़त्ते़म्‍मिन्‍ने़ॽ॥ के़रे़क् मनाहाॽरे़ मे़निसुल्‍ले़ आत्तिन् पाःन्‍निन् नुबा चोक्, बा खे़न् पाःन्‍निन् चोःक्‍मा कोःत्ते़म्‍मे़ॽओ॥

वेॽहाॽनु तङे़म्‍मे़ॽआङ् वये़म्‍मे़ॽ॥ आङ्‌दिङ् मे़लॽरे़म्‍मिन्‍ने़ॽओ, कर मे़न्‍जोजोबा मनाहाॽनुआङ् नःम्‍नःम्‍बा पोःक्‍खे़म्‍मे़ॽआङ् वये़म्‍मे़ॽओ॥ इङ्‌गाॽ के़रे़क् पाःन्‍हाॽ ले़स्‍सुङ् फाॽआङ् आप्‍फाल्‍ले़आङ् मे़इःत्ते़म्‍मिन्‍ने़ॽओ!

खे़ल्‍ले़ कुले़क्‌वाग “खे़ने़ॽ के़निङ्‌मिन् से़त्‍लाःक्‍माल्‍ले़ तरुआङ् वाॽने़ फाॽग्र कुजा चामा पिरे़ॽ॥ खे़न् वामिमाल्‍ले़ तरुआङ् वाॽने़ फाॽग्र च्‍वाःत् थुङ्‌मा पिरे़ॽ॥ हे़क्‍के के़जोगुल्‍ले़ खे़ने़ॽ खे़ल्‍ले़ कुधे़गेःक्‍पो सिरिङ्‌ममे़ल्‍ले़न् मिदःत्ते़न् के़हुक्‍खुबा हे़क्‍के पोङ्‌लो॥”

खिनिॽ तुक्‍खे के़जाःप्‍पाहाॽ साङ्‌ग्रा मे़मे़त्ते़म्‍सिम्‍मे़न्‍ने़ॽओ, कर मुॽइसाम् पिरे़म्‍सिम्‍मे़ॽओ॥ के़सःप्‍पाहाॽनु सःत्ते़म्‍मे़ॽ, के़हाःप्‍पाहाॽनु हाबे़म्‍मे़ॽओ॥

निङ्‌वाॽफुमाङ्‌ङिल्‍ले़ सेसे कुमनाहाॽ खुनिॽ चायोःम्‍बोओ कुभाॽ पिरे़म्‍सिम्‍मे़ॽ, तरे तोसे़म्‍सिम्‍मे़ॽओ॥

आनिॽ लत्‍छा थक्‍को यरिक् याम्‍लक्‍हाॽ पत्, हे़क्‍क्‍याङ् कन् के़रे़क् याम्‍लक्‍हाॽरे़ याःम्‍बक् लत्‍छारक् होप्‍लो, हे़क्‍केलॽरिक्‍के आनिॽ यरिक् आवाॽसाङ् आनिॽग ख्रिस्‍तरे़ लत्‍छा कुधक्‍कोबा कुदङ्‌बा याम्‍लक्‍सिरो, हे़क्‍क्‍याङ् आनिॽ के़रे़क् चाहाबा आजोःक्‍सिङ्‌लो॥