Beliebte Verse in Римвийриз 12

Teilen

И дуьньядин уьмуьрдин къайдадихъ галаз кьамир, амма дегиш хьухь, квевай Аллагьдин къаст, яни хъсанвал, менфятвал ва тамамвал, кьатӀуз хьун патал, куь акьул цӀийи хъия.

Гьавиляй за квез Аллагьдин регьимдин хатурдай тагькимзава, стхаяр-вахар, куь беденар чан алай, пак ва Аллагьдиз кӀани савкьватар яз гъваш. Гьа им куьн патал кутугай, куьне Адаз ийизвай къуллугъ жеда.

Умудда шад хьухь, азабра сабур хуьх, дуьада дегиш тахьана амукь.

Жувал писвилив гъалиб жез тамир, амма хъсанвиливди писвилел гъалибвал къачу.

Садаз сад стхаяр-вахар хьиз рикӀелди кӀан хьухь. Сада сад жувалай вине яхъ.

Къуй куь муьгьуьббат рикӀин сидкьидай хьурай. Писвал такӀан хьухь ва хъсанвал яхъ.

Виридахъ галаз квелай алакьзавай кьван ислягьвилелди уьмуьр твах.

Зи дустар, куьне куь паталай кьисас къачумир, Аллагьдин хъел патал чка тур, гьикӀ лагьайтӀа Реббиди Каламда лугьузва: «Кьисас Зи Гъиле тур, За эвез гуда».

Къуй куь гьакъисагъвал зайиф тахьурай, Реббидин Руьгьди квекай цӀай квайбур авурай, Реббидиз къуллугъ ая.

Заз ганвай берекатдив кьурвал за квекай гьар садаз лугьузва: куьне куьн са акьван артух яз кьамир, кьил кьилеллаз, Аллагьди гьар садаз ганвай имандин уьлчмедалди куьне квекай веревирд ая.

Садазни писвиляй писвал ийимир, виридаз анжах хъсанвал ая.

Сад садахъ галаз меслятвиле аваз уьмуьр твах. Лавгъа жемир, виниз тушир дережадин инсанрихъ галазни рафтарвал ийиз хьухь. Куьне куьн са акьван артух яз кьамир.

Аксина: «Ви душмандиз гишин ятӀа, фу це адаз, хъваз кӀанзаватӀа, яд це адаз. ИкӀ авуналди, вуна адан кьилел жуьгьенар кӀватӀда».

Куь геле къекъвезвайбуруз нуьсрет це – абуруз хийир-дуьа ая, лянет гумир. Шадвалзавайбурухъ галаз шадвал ая, шехьзавайбурухъ галаз шехьа.

Аллагьдиз талукь ксариз, абур муьгьтежвиле авайла, куьмек це, мугьманар кӀан хьухь.

Гьар садахъ са беден ва адахъ гзаф паяр авайвал, амма а паяриз гьардаз вичин везифа авайвал, Месигьдиз талукь чакайни са беден жезва, ва чун вири сад садаз талукь я.