Beliebte Verse in GENESIS 32

Teilen

Niyan nagsiling sia, “Indi ka na pagtawgon Jacob, kondi Israel, kay nagpakigdumug ka sa Dios kag sa mga tawo, kag naglandas.”

Niyan nagsiling sia, “Buhii ako, kay nagapamanagbanag na ang adlaw.” Apang si Jacob nagsiling, “Indi ko ikaw pagbuhian, kon indi mo ako pagpakamaayohon.”

Kag nabilin si Jacob nga isa lamang; kag nagpakigdumug sa iya ang isa ka lalaki tubtub sa pamanagbanag sang adlaw.

Gani ginhingalanan ni Jacob ang duug Peniel, nga nagasiling, “Kay nakita ko ang Dios sa nawung kag nawung, kag naluwas pa ang akon kabuhi.”

Sang nakita niya nga indi sia makalandas kay Jacob, gintandug niya ang lutalutahan sang iya paa; kag nagliw-as ang lutalutahan sang paa ni Jacob sang sia nagdumug sa iya.

Kag sia nagsiling sa iya, “Sin-o bala ang imo ngalan?” Kag nagsiling sia, “Si Jacob.”

Niyan namangkot si Jacob sa iya, “Ginaampo ko, sugiri ako sang imo ngalan.” Apang nagsiling sia, “Ngaa bala nagapamangkot ka sang akon ngalan?” Kag ginpakamaayo sia niya didto.

indi ako takus sang kubus gid sang tanan nga malig-on nga paghigugma kag sang tanan nga pagkatutum nga imo ginpakita sa imo alagad, kay upud sa akon sungkud lamang nagtabok ako sa sining Jordan; kag karon nagduha na ako ka hut-ong.

Busa ang mga Israelnon wala nagakaon sang kusug sang balikawang nga yara sa lutalutahan sang paa tubtub sining adlaw, bangud nga gintandug niya ang lutalutahan sang paa ni Jacob sa kusug sang balikawang.

Kag nagsiling si Jacob, “O Dios sang akon amay nga si Abraham kag Dios sang akon amay nga si Isaac, O GINOO nga nagsiling sa akon, ‘Balik ka sa imo duta kag sa imo kahimataan, kag ako magahimo sa imo sing maayo,’

Luwasa ako, ginaampo ko sa imo, sa kamut sang akon utud, sa kamut ni Esau, kay nahadluk ako sa iya, basi mag-abut sia kag laglagon kami tanan, ang mga iloy kaupud sang kabataan.