Beliebte Verse in Meꞌe Haka Takeꞌa 3

Teilen

ꞌĪ a au e pātōtō atu ena ꞌi haho o te ꞌōpani. Te kope ŋaroꞌa ꞌe mātaki mai, he uru a au ki roto ꞌe he noho māua he kai.

‘E ꞌite tahi rō ꞌana a au i taꞌa meꞌe aŋa. E ꞌite takoꞌa rō ꞌana a au: taꞌe koe he takeꞌo ꞌe taꞌe koe he vera. ¡Māuꞌa ꞌō i taꞌe ai ai he takeꞌo ꞌo he vera! ꞌI te ai ōꞌou he mahana, taꞌe he takeꞌo ꞌe taꞌe he vera, he haka rua atu a au i a koe mai roto i tōꞌoku haha.

’A au e ture e haka tī-tika rō ꞌā i te nuꞌu taꞌatoꞌa haŋa e au. ꞌO ira, ka hārui haka ꞌou tuꞌu manaꞌu ki te ꞌAtua ꞌe ꞌai ka haꞌatura rō hai māhatu.

‘E ꞌite tahi rō ꞌana a au i taꞌa meꞌe aŋa. ꞌE e ꞌite takoꞌa rō ꞌana a au: haŋu taꞌe rahi tōꞌou. ꞌE, ka ai atu pē ira, ko te haka roŋo ꞌe ko te haꞌatura ko te oho iŋa ꞌā koe i tāꞌaku vānaŋa, ꞌe ko te haka moe iŋa mai ꞌā koe i te manaꞌu ꞌi ruŋa i a au. ꞌO ira, nā ꞌi muꞌa i a koe i haka rē ai a au i te ꞌōpani e ha-hata rō ꞌā ꞌe ꞌina he rua kope mo ravaꞌa mo puru.

’Te nuꞌu rē ki te pūai o Rukifero he haka noho e au ꞌi ruŋa i tōꞌoku pepe ꞌariki ꞌi muri i a au, pa he rē iŋa ōꞌoku e noho nei ꞌi muri i tōꞌoku Matuꞌa ꞌi ruŋa i tōꞌona pepe ꞌariki.

’He ꞌono koe e kī ena, e riva-riva rō ꞌā ꞌe ꞌina e tahi aꞌa meꞌe hape; ꞌe te parautiꞌa ꞌina koe he aŋi-aŋi pē nei ē: a koe, ꞌi te meꞌe o te ꞌAtua, he haka ꞌaroha e tahi, he veve, he matapō ꞌe ꞌina uꞌu kahu uru.

’ꞌE ꞌi te haꞌatura ōꞌou i tāꞌaku roŋo nei: he haꞌaoromaꞌi hai haumārū i te ꞌati, he hāpaꞌo a au i a koe, ꞌo topa atu ꞌi ruŋa i a koe te ꞌati taparahi-taꞌata ka topa ena ꞌi te ao mo haka ꞌatu i te taŋata taꞌatoꞌa.

E ko roa tōꞌoku hoki iŋa mai. ꞌO ira, ka haka moe ka oho nō i te kōrua manaꞌu ꞌi ruŋa i a au, ꞌo toꞌo e te rua i tuꞌu hei.

Ka ꞌara ka haka pūai te meꞌe toe ena i a koe, he meꞌe ꞌina he roa toe he mate. Ko takeꞌa ꞌana e au: taꞌa meꞌe aŋa meꞌe taꞌe tano ki te mata o te ꞌAtua.