Beliebte Verse in ꞌEvereo 2

Teilen

ꞌE, ꞌi te ai ko ꞌamo ꞌana a ia i te ꞌati ꞌe ko haka ꞌatu ꞌā i a ia e Rukifero mo hara, e tano ena a ia, ꞌi te hora nei, mo hāꞌūꞌū ki te nuꞌu haka ꞌatu e Rukifero mo hara.

ꞌI te ai o te ŋā poki o te ꞌAtua he taŋata e mate nō i haka riro ai a Ietū i a ia he taŋata, ki mate takoꞌa ai ꞌe ki haka kore ai, hai mate era ōꞌona, i te pūai o te kope i a ia te mate, te auraꞌa, ko Rukifero.

ꞌI te ai he parautiꞌa te ŋā meꞌe taꞌatoꞌa nei, e uꞌi e maꞌu riva-riva te roŋo ŋaroꞌa e tātou, ꞌo haka tapa mai te ara parautiꞌa o te ꞌAtua.

Mo te meꞌe nei i haka riro ai i a ia he taŋata, mo riro ōꞌona he ⌊oromatuꞌa hopeꞌa o te ra-rahi⌋, māhatu haka ꞌaroha, taꞌe haka rē ki te hora hopeꞌa i tāꞌana meꞌe aŋa ki te ꞌAtua, ki ꞌamo ai e ia i te ūtuꞌa o te hara, ki tano ai te ꞌAtua mo haka rehu i te hara o te taŋata.

ꞌE, ko ꞌite ꞌana e tātou: te meꞌe nei ko haka tano ꞌana ꞌi ruŋa i a Ietū. I riro era, paꞌi, he taŋata, ꞌata hau rō atu te tōroꞌa o te merahi ki tōꞌona tōroꞌa «mo te hora ꞌiti-ꞌiti e tahi», ꞌe, hora nei, ꞌo te vaꞌai i a ia ki te mate mo tātou ꞌi te haŋa ꞌe ꞌi te riva rahi o te ꞌAtua mo tātou, «ko haka nui-nui ꞌā ꞌe ko moꞌa ꞌā pa he ꞌariki».