Beliebte Verse in ꞌEvereo 1

Teilen

Te ꞌana-ꞌana ꞌe te pūai nui-nui o te ꞌAtua e takeꞌa ena ꞌi ruŋa i tāꞌana Poki; a ia he ꞌāriŋa mau ꞌā o te ꞌAtua, ꞌe ꞌāꞌana te haka noho i te meꞌe taꞌatoꞌa o te ao ꞌi tōꞌona kona hai kī mau nō e ia. I tuꞌu mai era ki te ao nei, he aŋa tahi i tāꞌana meꞌe taꞌatoꞌa mo aŋa mo haka kore e te ꞌAtua i te tātou hara. I oti tahi era nei aŋa, he hoki ki te raŋi ꞌe he noho ꞌi te pāꞌiŋa mataꞌu o te ꞌAtua.

ꞌI muꞌa ꞌā, i rahi rō te mahana ꞌe hai rauhuru nō atu rāveꞌa i vānaŋa ai te ꞌAtua ki te tātou tupuna hai tāꞌana ŋā perofeta era. ꞌE hora nei, ꞌi te ŋā hora hopeꞌa nei, ko vānaŋa mai ꞌā hai Poki era ꞌāꞌana, kope hai ia i aŋa ai i te ao ꞌe ki a ia i vaꞌai tahi ai i te parau o te meꞌe taꞌatoꞌa.

Te merahi taꞌatoꞌa, paꞌi, he vārua aŋa ki te ꞌAtua uŋa mo hāꞌūꞌū ki te nuꞌu eꞌa mai roto i te ūtuꞌa o te hara ꞌe ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua.

E kī takoꞌa rō ꞌana ꞌi ruŋa i te Pāpaꞌi Moꞌa: «ꞌI te haꞌamata iŋa ꞌā, e te Pūꞌoko Haka Tere ē, i aŋa ai koe i te henua ꞌe ꞌāꞌau i aŋa takoꞌa i te raŋi. Te ŋā meꞌe ena e ŋaro rō, ꞌe ko koe te meꞌe ka taꞌe ŋaro ena ki te hora hopeꞌa. Te ŋā meꞌe ena e pau tahi rō pa he kahu