Beliebte Verse in Tyai Á̱zanson 3

Nyi fa̱k! Di, nung gwa wu! N gyong a̱zanunyuo ka tsot nyinyiit hu. Ka̱ nyi fa̱k a̱nwuat nung ka, nyi si̱ khwuk nyinyiit hu; n na nnwuo, a̱wot zi̱ na ya kyayak dundung nang á̱kpa̱ndang á̱ghyang a̱ni.

N dyen a̱mgba̱m nta̱m nang nyi nyia̱ a̱ni, nyi shi̱ri̱m bah. Da̱ nyin, nyi shwai bah. Ku á̱ wa nyia̱ nyi shi̱ri̱m ku nyi shwai wa gba̱m! A̱wot mat nang nyi ngyet a̱kache nang a̱duduu a̱sa̱khwot a̱ni; nyi shi̱ri̱m bah, da̱ nyin nyi shwai bah; n bwat da̱dei n kwoi nyin a̱bwonu nung ka n gweam a̱ta̱usa!

N ni̱ ntyiet, n bu gba á̱niet ba nang n chat wa a̱ni. Mat a̱nia, nyi kwan ba̱t nyi ghwon a̱ka̱tuk nyia̱ nyin wu, nyi khwi A̱gwaza!

N dyen a̱mgba̱m nkyang nang nyi nyia̱ a̱ni; nyi li, n ka̱n khwuk nyinyiit da̱nian nyin nang a̱yin si̱ mi̱n nyim a̱ni bah. N ndyen nyi byia̱ chet ma̱ chunchwiit. A̱mgba̱m ma̱ng a̱nia, nyi khwi á̱lyiat nung na; da̱ nyin, nyi fwuo lyen nung bah.

A̱mgba̱m á̱niet ba̱ swuo chet swanta hu a̱ni, ba̱ na shya̱ a̱vwuo nswat tyok ma̱ng a̱nung; ma̱nang n ku nswuo chet swanta hu, n si̱ nswan ma̱ng A̱tyia̱ nung wu ma̱ a̱gba̱ndang chuk tyok nggu wu a̱ni!

Nyi nyia̱, ‘Zi̱ byia̱ zwá! Zi̱ byia̱ kuzang kyang nang zi̱ chat a̱ni! Zi̱ bu chat kyang bah!’ A̱wot nyi fi̱k nang nyi ngyet á̱buk á̱niet bah; kyang kunak, á̱niet a̱fi̱fan, ma̱ng á̱niet chong ka̱gbang!

Nang nyi ngbang a̱lyia̱ nyi si̱ nnyap nfwuo, nyi si̱ nkhwi doka nung ji a̱ni; mat a̱nia, n na nchok nyin di̱ a̱gba̱ndang jen mak ji̱ chobai tazwa a̱mgba̱m á̱niet mi̱ swanta ba, nang á̱ bye mak á̱niet ba̱ yet á̱si̱ mi̱ swanta ba a̱ni.

N chobai ma̱ninika! Nyi ba̱ng a̱chuchuk tyiet nyin wu gi̱ngi̱ng, kalak a̱ghyang a̱niet wa si̱ ba̱ ta̱wap bung tyok ji, ji̱ yet zang nyin ji a̱ni.

Nyi shyip! Nyi tyia̱ swat khwi A̱gwaza nyin hu ku bwat a̱ni chet, kalak ku du khwu! N shya̱ nang nta̱m nyin na ntat si̱sak nang A̱gwaza nung wu nchat a̱ni bah.