Beliebte Verse in Mat 26

Teilen

Énu limíne bɔɔ́sɔ, ánɔ bɛ́cɔ́kɔ́lɔ́kɛ́na Bandɔ́mɛsɛ́ anyía muɔ́kɛ́tánana tɛ banɔ́ hámɛ́na. Ɔɔcɔ áŋa na ɔtɛ́má ɛ ɛcálɛ cɛ ɔkɛlaka bɔmbányɛ, mbá yuúhé tɛ́ka. »

Mbá ɔsɛ náábɔ́ : « Ɔtɛ́má ŋa mɛ nua e nyiwééné. Énu limíne aaha bɔɔ́sɔ ɔlɔŋɔ na yaŋɔ́. »

Ɛ́makɛ́la wé beébe laána aáná, u ŋá cɔbɛ́ta ne buúse, u ŋé bísúbúlíéne ɔ ɔmɛsɛ́, u ŋé túme ɔbɛ́cɔ́kɔ́lɛ́na Bandɔ́mɛsɛ́ ɔsɛ : « Ééʼ, Taatá, mbɔ́kɔ búáŋa bɔ́ ɔbɛ́kɛ́láka, cɔ́kɔ́lɛ mɛ ááŋɛ́na hindeŋé hí muuyé eehi eé buúse. Mbá ta híáná, atɛ kɛla háyɛ i ŋe mí léne, mbá kɛláka háyɛ o ŋoó léne. »

Maamɛ manɔ́ŋɔ́ eeme mááŋa, meéme Bandɔ́mɛsɛ́ ŋo yoónyísínyínyi nyíáyɛ́ nyɛlata nyí bumbénú. Meéme mé ŋó yóotieke a asana yɛ́ baacɔ beéŋí anyía mbá Bandɔ́mɛsɛ́ é beébe nyɛánákɛ́nɛ́na maabɔ́ maabɛ́.

Bébú nyíékínyi aáná, Yésus ŋé hiíte eléti ; u ŋé íínjíé Bandɔ́mɛsɛ́ bitéŋíti, u ŋé yiíyi bákáka, u ŋé iínjíékíne *baákɔ́nɛ́na, ɔsɛ : « Énu hiítéke, núá nyíáka banɔ́ bekime ; ciamɛ cɛɛ́tɔ eeci cɛ́áŋa. »

E elime eécí, u ŋé hiíte hindeŋé hí meluku, u ŋé íínjíé Bandɔ́mɛsɛ́ bitéŋíti ; u ŋé beébe íínjíé, ɔsɛ : « Énu hiíte, núá múákɛ́na meluku eeme, banɔ́ bekime.

U ŋá hatɔ́na ɛndánáka, u ŋgá hálɔ́mɔ́na haála ahá baákɔ́nɛ́na eébé bátátɔ́ ŋaá bá, u ŋé beébe kuána e hiiné. Mbá ɔsɛ né Bíel : « Ɛ́cɛ anyía nu tɛ ɔ́mɔ́ nɔ́ bá nú olimine bɔɔ́sɔ na yaŋɔ́ onjéŋí ɔ́mɔtɛ́ e ?

Ɛ ŋa mɛ́ banɔ́ láana isíʼo : O otúme aámbáya ɛ tɛ ká háná ámɛ múána meluku, ɔ ɔkɔɔ́háma ekúlú eyí tu ké sú muékínyi mecekí na banɔ́ e Butéŋí bɔ́ ciamɛ Síkíne. »

Aáná Bíel ŋaá bɛ́táá ɔtáŋa ewú Yésus ŋeé wuúci laána, ɔsɛ : « Ɔkɛla anyía yaaka yɛ́ ɛkɔkɛ́ é síke a bɛ́lɛ́ta, ɛ́cɛ o no moó mi bínéŋítíkínyi bikúlú bɛ́tátɔ́ asɛ o ti ŋóo mi menyi. » Aáná Bíel ŋaá hámá a nɔháatɛ́, nyíáyɛ́ nyitúme ɔkɔlɛ́la eényí na mahana mekime.

Ánɔ hatɔ́na, túé súéte ! Ɛ́ná, ɔɔcɔ ewú u ŋeé mi fiimbie, ooci ú maá kaáháma. »

Mbá Yésus ɔsɛ nááyá : « Hélúmúnyi núɔ́wɔ nɔsala nɔ́ ɔhána a abákála. Yááŋa anyía ɔɔcɔ okime ewú u kéé hétunyi nɔsala nɔ́ ɔhána ɔ ɔwɔɔ́nɔ sɔ́ɔ́kɔ́ kéé wé nɔsala nɔ́ ɔhána.