Beliebte Verse in Chiv Keeb 32

Teilen

Tus yawg ntawd thiaj hais tias, “Yuav tsis hu koj ua Yakhauj lawm, yuav hu ua Yixayee rau qhov koj tau nrog Vajtswv thiab neeg sib ntsuas zog thiab kov yeej.”

Tus yawg ntawd hais tias, “Cia li tso kuv mus rau qhov twb yuav kaj ntug.” Tiamsis Yakhauj hais tias, “Kuv yuav tsis tso koj mus txog thaum koj foom koob hmoov rau kuv tso.”

Yakhauj tib leeg tseem nyob qhov ntawd. Muaj ib tug txivneej nrog nws sib qhau ib hmos kaj ntug.

Yakhauj thiaj hu qhov chaw ntawd ua Peni‑ee thiab hais tias “Rau qhov kuv twb pom Vajtswv tim ntsej tim muag los nws tseem tseg kuv txojsia nyob.”

Thaum tus yawg ntawd pom tias kov tsis yeej Yakhauj, nws txawm nias Yakhauj lub pob qej txha ntsag. Thaum Yakhauj nrog nws sib qhau Yakhauj lub pob qej txha thiaj txawv kiag.

Tus yawg ntawd hais rau nws tias, “Koj npe hu li cas?” Nws teb tias, “Kuv npe hu ua Yakhauj.”

Yakhauj thiaj nug nws tias, “Thov koj qhia koj lub npe rau kuv.” Tus txivneej ntawd hais tias, “Ua cas koj nug kuv lub npe?” Ces nws txawm foom koob hmoov rau Yakhauj qhov ntawd.

Kuv tsis tsim nyog tau txojkev hlub uas ruaj khov thiab txojkev ncaj ncees uas koj tau ua tshwm rau koj tus qhev lawm ib nyuag qhov kiag li. Rau qhov tias kuv muaj tib tug pas nrig hla tus dej Yaladee mus xwb, mas nimno kuv muaj ob pab neeg.

Vim li no cov Yixayee thiaj tsis noj txoj leeg ntawm ntsag uas nyob ntawm pob qej txha txog niaj hnub nimno, vim yog Vajtswv nias ncaj txoj leeg ntawm Yakhauj lub pob qej txha ntsag.

Yakhauj thov Vajtswv hais tias, “Au kuv yawg Aplahas tus Vajtswv thiab kuv txiv Yiha tus Vajtswv, au Yawmsaub koj hais rau kuv tias, ‘Cia li rov qab mus rau koj teb koj chaw koj kw koj tig es kuv yuav ua zoo rau koj.’

Thov koj cawm kuv dim hauv kuv tus tijlaug Exau txhais tes, vim kuv ntshai nws, tsam ces nws yuav muab kuv thiab pojniam menyuam tua pov tseg huvsi.