Beliebte Verse in Mark 14

Teilen

hag ev a leveris, ‘Abba, Tas, possybyl yth yw dhis pup-tra; kemmer dhe-ves an hanaf ma dhiworthiv; mes na vo gwrys ow bodh evy, saw dha vodh tejy.’

Goelyewgh ha pysewgh, ma na entrowgh yn temptasyon; parys fest yw an spyrys, mes an kig yw gwann.’

Hag yn hwir y lavarav dhywgh, py le pynag may fo pregewthys an aweyl yn oll an bys, an pyth re wrug hi a vydh derivys yn kovadh anedhi.’

hag yn-medh ev dhedha, ‘Yma ow enev grevys fest bys yn ankow; gortewgh omma ha goelyewgh.’

Ha pan esens ow tybri, ev a gemmeras bara, ha wosa benniga, ev a dorras ha ri dhedha ha leverel, ‘Kemmerewgh, hemm yw ow horf vy.’

Hag ev a gemmeras an hanaf, ha wosa ri grasow, ev a ros dhedha, hag i oll a evas anodho. Hag ev a leveris dhedha, ‘Hemm yw ow goes a'n kevambos nowydh yw skoellys rag lies.

Ha Yesu a leveris dhedha, ‘Hwi oll a vydh sklandrys ahanav y'n nos ma, rag yma skrifys “My a wra gweskel an bugel ha'n deves a vydh skattrys.”

Sevewgh yn-bann, deun ahanan; otta, a-ogas yma neb a'm trayt.’

Ha Yesu a leveris dhodho, ‘Yn hwir y lavarav dhis, hedhyw, y'n nos haneth, kyns es kulyek dhe gana diwweyth, ty a'm nagh teyrgweyth.’