Beliebte Verse in Mark 13

Teilen

hag y fydhowgh kesys gans pub den oll a-barth ow hanow vy. Mes neb a dhur bys y'n diwedh, ev a vydh selwys.

Bedhewgh war, goelyewgh ha pysewgh; rag ny wodhowgh p'eur fydh an termyn.

Mes pan wrellons agas hembronk ha'gas daskorr, na brederewgh kyns a bandr'a gewsewgh, mes pypynag a vo res dhywgh y'n eur na, henna leverewgh; rag nyns yw hwi a gews, mes an Spyrys Sans.

Nev ha nor a dremen dhe-ves, mes ow geryow vy, ny dremenons dhe-ves.

‘Mes a-dro dhe'n jydh na ha'n eur, ny woer denvyth, naneyl an eledh yn nev, na'n Mab, marnas an Tas.

Mes pan glewowgh a vreselyow ha son a vreselyow, na gemmerewgh own; henna a res, mes an diwedh ny vydh hwath.

Goelyewgh ytho; rag ny wodhowgh p'eur to mester an chi, po y'n gorthugher, po hanter-nos, po kulyek-kenys, po myttin, rag own ev dhe dhos yn tromm ha'gas kavoes hwi ow koska. Ha'n pyth a lavarav dhy'hwi, my a'n lever dhe bub den oll: goelyewgh.’

Rag kenedhel a sev erbynn kenedhel ha gwlaskor erbynn gwlaskor; y fydh dorgrysyow yn lower le, y fydh divoetter; dalleth gloesow yw an re ma.

Ha kyns oll, res yw an aweyl dhe vos pregewthys dhe oll an kenedhlow.

Lies a dheu yn ow hanow, ow leverel, “My yw ev”, hag a wra toella lies.

‘Mes bedhewgh war ragowgh agas honan; rag i a wra agas daskorr dhe gonselyow, hag y'n synagys hwi a vydh kronkys, ha hwi a vydh settys a-rag governours ha myghternedh a-barth dhymmo vy, yn dustuni er aga fynn.

Rag fals Kristow ha fals profoesi a sev, hag a dhiskwa toknys ha marthusyon, rag toella, mara kyllir, an re dhewisys.

‘Mes y'n dydhyow na, wosa an galar na, an howl a vydh tewlhes, ha'n loer ny re hy golow, ha'n ster a vydh ow koedha a'n nevow, ha'n nerthow usi y'n nevow a vydh kryghyllys.